אין די יעצטיגע טעג איז באשטעטיגט געווארן מטעם בית הגה"צ ר' יעקב מאיר שעכטער שליט"א, אז אין א זעלטענעם פאל וועט דער רב שליט"א פראווענען א ספעציעלע שבת מיט נגידים ותומכים, וואס שליסן זיך אן מיט גרויסע סכומים צו שטיין לימין הקודש פונעם רב שליט"א, די מפעלי צדקה וחסד און הפצת תורה וחסידות איבער די וועלט.
די שבת איז באשטימט אויף די וואך פרשת אמור, און וועט פארקומען אין א פראכטפולע האטעל אין עיר הקודש טבריה, באגלייט מיט א רייכע פראגראם שוין אנגעהויבן פון דאנערשטאג אינמיטן טאג. צענדליגע נדיבי לב פון חוץ לארץ זענען געלאדנט געווארן פערזענליך צו מיטהאלטן דעם גרויסן שבת, און וועלן זוכה זיין להסב על שולחן המלך.
נאך שבת וועט הגה"צ ר' יעקב מאיר שליט"א זיך אהיימקערן קיין ירושלים עיה"ק, וואו ער וועט אפרעכטן די גרויסע מעמד ההדלקה מאנטאג נאכט בליל ל"ג בעומר ווי יאר יערליך, במקהלות אלפי ישראל און די חשובע נדיבי לב פון אויסלאנד.
