מטעם קהל יטב לב ד'סאטמאר אין ירושלים עיר הקודש איז געמאלדן געווארן, אז הגה"צ ר' חיים הערש טייטלבוים שליט"א אבד"ק סאטמאר ירושלים, בנו הגדול פון כ"ק אדמו"ר מסאטמאר שליט"א, וועט דאס יאר פראווענען דעם יו"ט פורים בקרב בני קהילתו אין ירושלים עיה"ק, נאך א צייט אפשניט פון עטליכע יאר זינט דער רב האט דאס לעצטע מאל געפראוועט יו"ט פורים אין ירושלים.
דאס קומט נאכדעם וואס די חברי הקהילה האבן אפגעשיקט א פערזענליכע בריוו צום רב שליט"א, און אים פארבעטן צו קומען פראווענען דעם יו"ט פורים בקרב הקהילה, די בריוו איז געווארן אונטערגעשריבן דורך הונדערטער חסידים, די דייני הקהילה אברכים ובעלי בתים, און אצינד איז טאקע געמאלדן געווארן אז דער רב וועט ארויספארן קיין ארץ ישראל לקראת יו"ט פורים הבעל"ט, און פראווענען דעם יום טוב בתוככי קרתא דשופריא.
די מעלדונג קומט אין א צייט וואס דער רב שליט"א איז צוגאסט אויף א באזוך בקרב בני קהילתו, און דעם שבת האט דער רב געפראוועט אויף א געהויבענע פארנעם אין ביהמ"ד הגדול סאטמאר אין ירושלים.
