שמחת בית וויזניץ: דעם שב"ק קומט פאר די שמחת השבע ברכות פון די כלה א טאכטער ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די חתן א זון פון הגה"צ ר' אלימלך בער פיש שליט"א אב"ד תפארת מרדכי טשעסנאט רידזש, זון פון כ"ק אדמו"ר מביקסאד שליט"א, און איידעם ביי הגה"צ אבד"ק קראלי מאנסי שליט"א. – די שמחת השבע ברכות קומט פאר אין ביהמ"ד הגדול דקהל תורת חיים וויזניץ אין בארא פארק.
שמחת בית וויזניץ: דעם שב"ק קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון וויליאמסבורג, די כלה א טאכטער פון בנו יחידו הגה"צ ר' חיים מאיר האגער שליט"א, איידעם ביי כ"ק אדמו"ר מוויזניץ שליט"א פון בית שמש, איידעם ביי כ"ק אדמו"ר מויזניץ שליט"א, מיט די חתן א זון פון כ"ק אדמו"ר מטארנא שליט"א. – די שמחת השבע ברכות קומט פאר אין ביהמ"ד הגדול וויזניץ אין וויליאמסבורג. – דער זיידע כ"ק אדמו"ר מוויזניץ שליט"א פון בית שמש איז צוגאסט אויף שבת אין וויליאמסבורג לכבוד די שמחה, די אכסניא איז אין שטוב פון הנגיד החסיד ר' ישראל ניימאן הי"ו.
שמחת בית קרעטשניף סיגעט – שענדישוב – זידטשויב – פאלטישאן: דעם שב"ק קומט פאר די שמחת השבע ברכות פונעם חתן א זון פון הרב יוסף מאיר שטיין שליט"א, זון פון הגה"צ ר' דוד שלמה שטיין שליט"א ראה"כ ספינקא, זון פון הגה"צ גאב"ד פאלטישאן שליט"א, און איידעם ביי כ"ק אדמו"ר מזידטשויב שליט"א פון וויליאמסבורג, מיט די כלה א טאכטער פון הרב מאיר ארי' לייב ראזענבוים שליט"א, זון פון כ"ק אדמו"ר מקרעטשניף סיגעט שליט"א, און איידעם ביי כ"ק אדמו"ר משענדישוב שליט"א. – די שמחת השבע ברכות קומט פאר אין בארא פארק, דער זיידע כ"ק אדמו"ר מקרעטשניף סיגעט שליט"א איז צוגאסט אויף שבת אין בארא פארק לכבוד די שמחה, און וועט אפרעכטן די תפילות און טישן אין די זאלן פון עטרת גאלדא. דער זיידע כ"ק אדמו"ר משענדישוב שליט"א איז צוגאסט אויף שבת אין בארא פארק לכבוד די שמחה, און וועט אפרעכטן די תפילות און טישן אין די זאלן פון בית אסתר.
שמחת בית קאסאן – ספינקא – ראפשיץ: דעם שב"ק קומט פאר די שמחת השבע ברכות פון א אייניקל ביי כ"ק אדמו"ר מקאסאן שליט"א, די כלה א טאכטער פון זיין איידעם הגה"צ ר' ישראל ישורון ווייס שליט"א, זון פון כ"ק אדמו"ר מספינקא שליט"א, מיט די חתן א זון פון הגה"צ ר' פנחס שלום ראטטענבערג שליט"א, זון פון כ"ק אדמו"ר מקאסאן הילקרעסט שליט"א, און איידעם ביי כ"ק אדמו"ר מראפשיץ שליט"א. – די שמחת השבע ברכות קומט פאר אין ספינקא בית המדרש אין בארא פארק.
שמחת בית סקווירא – וויעליפאלי: דעם שב"ק קומט פאר די שמחת השבע ברכות פון א אור אייניקל ביי כ"ק אדמו"ר מסקווירא שליט"א, אייניקל פון בנו הגדול הגה"צ ר' אהרן מענדיל טווערסקי שליט"א, די חתן א זון פון זיין זון הרב חיים מאיר טווערסקי שליט"א, איידעם ביי הגה"צ אב"ד גלאגוב זצ"ל, מיט די כלה א טאכטער פון הגה"צ ר' שלמה פרענקל שליט"א אב"ד וויעליפאלי לעיקוואד, זון פון כ"ק אדמו"ר מוויעליפאלי שליט"א, און איידעם ביי כ"ק אדמו"ר מזידטשויב שיקאגא זצ"ל. – די שמחת השבע ברכות שבת און מוצאי שבת קומט פאר אין ביהמ"ד וויעליפאלי אין לעיקוואד.
שמחת בית טשארנאביל – ביאלא פשיסחא: דעם שב"ק קומט פאר די שמחת השבע ברכות פון א אייניקל ביי כ"ק אדמו"ר מביאלא פשיסחא שליט"א, די חתן א זון פון זיין איידעם הגה"צ ר' שמואל בנימין סופר שליט"א, זון פון הגה"צ אבד"ק ערלוי ב"ב שליט"א, מיט די כלה א טאכטער פון הגה"צ ר' שמואל משה טווערסקי שליט"א, זון פון כ"ק אדמו"ר מטשארנאביל שליט"א, און איידעם ביי כ"ק אדמו"ר מבאלחוב זצ"ל. – די שמחת השבע ברכות קומט פאר אין ביהמ"ד טשארנאביל אין אשדוד.
כ"ק אדמו"ר מסאטמאר שליט"א וויילט דעם שבת אין נארט מיאמי פלארידע אויף אפרוה.
כ"ק אדמו"ר מבאבוב שליט"א וויילט דעם שבת אין מיאמי פלארידע אויף אפרוה.
ראש הישיבה הגאון רבי שאול אלתר שליט"א איז צוגאסט אויף דעם שבת אין לעיקוואד בקרב חסידיו, די תפילות און טישן פרייטאג צונאכטס און שבת צופרי וועלן פארקומען אויף א פארמאכטע פארנעם מיט די נגידי ותומכי המוסדות, און שלש סעודות וועט פארקומען ברוב עם הדרת מלך אין א ריזן שאטער פארנט פון ביהמ"ד פני מנחם אין שטאט.
כ"ק אדמו"ר מטשערנאביל שליט"א איז צוגאסט אויף דעם שבת אין לעיקוואד, אין ראם פון א געהויבענע באזוך אין שטאט לטובת די קרן הבנין פון די נייע טשערנאבילער בית המדרש אין בארא פארק, די תפילות און טישן קומען פאר אין ביהמ"ד נועם אליעזר סקולען.
כ"ק אדמו"ר מוויזניץ שליט"א פון מאנסי וויילט דעם שבת אין קאליפארניע אויף אפרוה.
כ"ק אדמו"ר מוויזניץ שליט"א פון קייאמישע איז צוגאסט אויף דעם שבת אין לאס אנדזשעלעס לטובת מוסדותיו הקדושים, די תפילות און טישן קומען פאר אין די חסידישע כולל יחיאל יהודה, די אכסניא איז אין שטוב פון הנגיד החסיד ר' בערל ווייס הי"ו.
הגה"צ אבד"ק אמונת ישראל שליט"א איז צוגאסט אויף דעם שבת אין לעיקוואד בקרב חסידיו, צום ערשטן מאל נאכן איבערנעמען די כתר ההנהגה, די תפילות און טישן קומען פאר אין די נייע ביהמ"ד דקהל אמונת ישראל.
כ"ק אדמו"ר מסקולען שליט"א פון לעיקוואד איז צוגאסט אויף דעם שבת אין טאראנטא, די תפילות און טישן קומען פאר אין זאל בית יעקב.
כ"ק אדמו"ר מסקולען שליט"א פון ירושלים איז צוגאסט אויף דעם שבת אין בית שמש, די תפילות און טישן קומען פאר אין ביהמ"ד הגדול וויזניץ אויף רחוב רבי יהושע.
כ"ק האדמורי"ם מראחמיסטריווקא שליט"א פון אוקענוויין און ספרינג וואלי, זענען צוגאסט אויף דעם שבת אין ירושלים עיה"ק, און וועלן מיטהאלטן די תפילות און טישן אינאיינעם מיט כ"ק אדמו"ר מראחמיסטריווקא שליט"א אין ביהמ"ד הגדול ראחמיסטריווקא אויף רחוב גבעת משה.
כ"ק אדמו"ר מנדבורנא ביתר שליט"א איז צוגאסט אויף דעם שבת אין בית שמש בקרב חסידיו, די תפילות און טישן קומען פאר אין שטוב פון זיין איידעם הרה"ג ר' שמעון פאנעט שליט"א אויף רחוב האמוראים.
כ"ק אדמו"ר ממיאלען שליט"א איז צוגאסט אויף דעם שבת אין לאנדאן בקרב חסידיו, די תפילות און טישן קומען פאר אין קאנטינענטאל זאל, די אכסניא איז אין שטוב פון הנגיד החסיד ר' ישראל לעוו הי"ו.
כ"ק הגה"צ גאב"ד יאוואזשנא שליט"א איז צוגאסט אויף דעם שבת אין מאנסי בקרב חסידיו, די תפילות און טישן קומען פאר אין זאל פון בנות ישראל וויזניץ אויף 229 מעיפל עוועניו.
הגה"צ אבד"ק סאטמאר וומס"ב שליט"א בנו הגדול פון כ"ק אדמו"ר מסאטמאר שליט"א, וועט פראווענען דעם שבת אין די סאטמארע בית המדרש בנין געלבשטיין אין וויליאמסבורג.
הגה"צ אבד"ק סאטמאר ירושלים שליט"א בנו הגדול פון כ"ק אדמו"ר מסאטמאר שליט"א, וועלכער איז צוגאסט די טעג בקרב בני קהילתו אין ירושלים, וועט פראווענען דעם שבת אין ביהמ"ד הגדול אהל רחל ד'סאטמאר אויף רחוב יואל.
דעם שבת קומט פאר א שבת התאחדות פאר כלל חסידי בעלזא אין מאנטריאל קאנאדע, אין שפיץ פון הרב אלימלך נתן נטע רוקח שליט"א נכד כ"ק אדמו"ר מבעלזא שליט"א.
נגידי ותומכי חצר הקודש גור פון אמעריקע, וועלן דעם שבת מיטהאלטן א ספעציעלע שבת התאחדות דורך איחוד מוסדות גור, אין שטאט אוטוואצק אין פוילין.
אריינצושיקן מודעות און נייעס, שיקט אן אימעיל צו NEWS@JDNMAIL.COM
