כ"ק אדמו"ר מפשעווארסק שליט"א לאזט זיך היינט ארויס אויפן וועג קיין דייטשלאנד, וואו דער רבי שליט"א וועט זיך אויפהאלטן די קומענדיגע זוממער וואכן אויף אפרוה אין שטאט עסען.
היינט ערב ראש חודש אב געפאלט די יומא דהילולא קדישא פון כ"ק אדמו"ר משאץ זצ"ל פון וויליאמסבורג, בנו יחידו ממלא מקומו כ"ק אדמו"ר משאץ שליט"א וועט ארויפגיין צום ציון הק' אויפן בית החיים אין מאנסי היינט נאכמיטאג, און שפעטער פארנאכטס אפרעכטן די יארצייט טיש בבית מדרשו אין מאנסי.
היינט קומט פאר די שמחת הברית פון א אייניקל ביי כ"ק אדמו"ר מטשערנאביל שליט"א, בן הנולד ביי זיין איידעם הרב מרדכי פנחס טווערסקי שליט"א, זון פון הגה"צ ר' מנחם נחום טווערסקי שליט"א, איידעם ביי כ"ק אדמו"ר מראחמיסטריווקא זצ"ל. – די שמחה קומט פאר אין טשערנאבילער בית המדרש אין בארא פארק.
עס איז געשלאסן געווארן די שידוך פונעם חתן א זון פון הגה"צ ר' יוסף מאיר כהנא שליט"א, זון פון כ"ק אדמו"ר מספינקא ירושלים שליט"א, און איידעם ביי הגה"צ ר' יצחק שלום שיינפעלד שליט"א אדמו"ר מקאסאן ירושלים, מיט די כלה א טאכטער פון הגה"צ ר' חיים מאיר שנעעבאלג שליט"א אדמו"ר מסטרעליסק, זון פון כ"ק אדמו"ר מטשערנאוויץ שליט"א, און איידעם ביי כ"ק אדמו"ר מקרעטשניף סיגעט זצ"ל.
היינט קומט פאר א סעודת ראש חודש און סיום מסכת מנחות במסגרת הוגי תורה דחסידי מאחנובקא בעלזא, אינאיינעם מיט די מעמד התמנות פאר צוויי נייע מורי צדק אין ק"ק מאחנובקא בעלזא אין בית שמש, הרה"ג ר' יודא משה וועצלער שליט"א און הרה"ג ר' שלום שמוטץ שליט"א, עס קומט פאר אין ביהמ"ד מאחנובקא בעלזא אין בית שמש, אין שפיץ פון כ"ק אדמו"ר ממאחנובקא בעלזא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
