היינט קומט פאר א גרויסע עצרת תפלה ומחאה דורך אלפי חסידי גור, פארנט פון די מיליטערישע טורמע נומער 10 אין ארץ ישראל, אין ליכט פון די ארעסט אויף א גערער חסיד פארן זיך נישט שטעלן צום מיליטער, די מעמד קומט פאר אין שפיץ פון כ"ק אדמו"ר מגור שליט"א.
היינט קומט פאר די מעמד אהבת איתן לטובת מוסדות פינסק קארלין בארה"ק, געאייגענט פאר חסידי פינסק קארלין תושבי ירושלים און קרית גת, אין זאל חן במדבר נעבן מצפה יריחו, אין שפיץ פון כ"ק אדמו"ר מפינסק קארלין שליט"א.
שמחת בית ערלוי: עס איז געשלאסן געווארן די שידוך פון א אייניקל ביי כ"ק אדמו"ר מערלוי שליט"א, די כלה א טאכטער פון זיין איידעם הגה"צ ר' מרדכי שלמה שטערן שליט"א, זון פון הגה"צ אבד"ק סטריקוב שליט"א, מיט די חתן א זון פון הרה"ג ר' חיים שמואל בלום שליט"א, זון פון הרה"ג ר' מרדכי ברוך בלום שליט"א.
היינט קומט פאר די שמחת הברית פון א אייניקל ביי כ"ק הגה"צ גאב"ד מאקאווא שליט"א, אייניקל פון זיין זון הגה"צ ר' מרדכי שרגא פייוויש לעמבערגער שליט"א, איידעם ביי הגה"צ ר' משה אשרי שליט"א, איידעם ביי הגה"ק בעל עטרת משה ממאקאווא זצ"ל, בן הנולד ביי זיין זון הרב נתן נטע לעמבערגער שליט"א, איידעם ביי הגה"צ אבד"ק מאקאווא ב"ב שליט"א. – די שמחה קומט פאר אין ביהמ"ד מאקאווא אין בני ברק.
כ"ק אדמו"ר מווערדאן שליט"א פון ב"פ וועלכער האט זיך אויפגעהאלטן די לעצטע פאר טעג אין קערעסטיר אונגארן, וועט היינט אנקומען צום שטאט בישטינא אין אוקראינע, צו פוקד זיין דעם ציון הק' פון זקינו הרה"ק רבי ר' מרדכי'לע מנדבורנא זי"ע אין די ניין טעג, און מתפלל זיין לקראת די שמחת החתונה פון בתו הכלה וואס קומט פאר דעם קומענדיגן ווינטער.
כ"ק אדמו"ר מתולדות מרדכי שליט"א וועט היינט אויפדערנאכט אויפטרעטן מיט א חיזוק שמועס שטייענדיג אין די ניין טעג, אין ביהמ"ד פאפא אין מאנסי.
כ"ק אדמו"ר מבאסטאן ביתר שליט"א וועט היינט אנקומען אויף תפילת מעריב ביים שריד בית מקדשינו דער כותל המערבי, נאכגעפאלגט מיט א חבורת התחזקות פאר די בחורי החסידות שטייענדיג אין די ניין טעג.
היינט נאכט ז' אב געפאלט די יומא דהילולא קדישא פון הגה"ק בעל ערוגת הבושם זי"ע, א יארצייט סעודה קומט פאר אין ביהמ"ד ערוגת הבושם צעהלים אין וויליאמסבורג, וואו עס וועט אויפטרעטן הגה"צ אבד"ק ביסטריץ שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
