כ"ק אדמו"ר מפאפא שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הגה"ק בעל ערוגת הבושם זי"ע, וואס געפאלט אויס היינט ז' אב, אין ביהמ"ד הגדול עץ חיים אין קרית פאפא וועסטשעסטער.
כ"ק אדמו"ר מצעהלים שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הגה"ק בעל ערוגת הבושם זי"ע, וואס געפאלט אויס היינט ז' אב, אין ביהמ"ד בית אפרים אין מחנה ערוגת הבושם צעהלים אין סאוט פאולסבורג.
היינט ז' אב געפאלט די יומא דהילולא קדישא פון כ"ק אדמו"ר הרה"ק בעל נתיבות שלום מסלונים זצ"ל, בנו ממלא מקומו כ"ק אדמו"ר מסלונים שליט"א וועט אפרעכטן די יארצייט טיש היינט פארנאכטס אין ביהמ"ד הגדול סלונים אין די מאה שערים געגנט אין ירושלים.
היינט נאכט ח' אב געפאלט די יומא דהילולא קדישא פון כ"ק אדמו"ר רבי חנוך העניך דוב מקוידינוב זצ"ל, נכדו כ"ק אדמו"ר מקוידינוב שליט"ט וועט פוקד זיין דעם ציון הק' אויפן בית החיים שומרי שבת זכרון מאיר אין ב"ב היינט פארנאכטס, און דערנאך אפרעכטן די יארצייט טיש בבית מדרשו אין בני ברק.
היינט קומט פאר די מעמד אהבת איתן לטובת מוסדות פינסק קארלין בארה"ק, געאייגענט פאר חסידי פינסק קארלין תושבי בני ברק און ביתר עילית, אין זאל חן במדבר נעבן מצפה יריחו, אין שפיץ פון כ"ק אדמו"ר מפינסק קארלין שליט"א.
היינט קומט פאר די מעמד "לראות בתפארת" אין ביהמ"ד זוטשקא אין בני ברק, פאר די חסידים ותומכים בוני ושותפי בית זוטשקא, אין שפיץ פון כ"ק אדמו"ר מזוטשקא שליט"א.
כ"ק אדמו"ר מווערדאן שליט"א פון ב"פ וועלכער האט זיך אויפגעהאלטן די לעצטע וואך צייט ביי די מקומות הקדושים אין אייראפע, קערט זיך היינט צוריק למעון קדשו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
