שמחת בית בעלזא: היינט קומט פאר די שמחת הברית פון א אור אייניקל ביי כ"ק אדמו"ר מבעלזא שליט"א, אייניקל פון בנו יחידו הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, בן הנולד ביי זיין זון הרב ישראל מנחם נחום רוקח שליט"א, איידעם ביי הרה"ג ר' אהרן בריעף שליט"א ראה"כ בעלזא אשדוד, איידעם ביי הרה"ג ר' חיים דוד שובאקס שליט"א חבר ביד"ץ מחזיקי הדת בעלזא. – די שמחה קומט פאר אין ביהמ"ד הגדול אין קרית בעלזא ירושלים.
שמחת בית דאראג: היינט קומט פאר די צענטראלע שמחת השבע ברכות פון א אייניקל ביי כ"ק אדמו"ר מדאראג שליט"א, די חתן א זון פון בנו הגדול הגה"צ ר' אשר ראזענפעלד שליט"א, איידעם ביי כ"ק אדמו"ר מלעלוב קארלין זצ"ל, מיט די כלה א טאכטער פון הגה"צ ר' יוסף ארנסטר שליט"א, זון פון הגה"צ ר' וועלוויל ארנסטר שליט"א אבד"ק מאור חיים ירושלים, און איידעם ביי הגה"צ ר' יחיאל מיכל שעדראוויצקי שליט"א מטורקא סטרעטין. – די שמחת השבע ברכות קומט פאר אין ביהמ"ד הגדול דאראג אין בני ברק.
שמחת בית קאפיטשניץ: היינט קומט פאר די שמחת השבע ברכות פון א אייניקל ביי כ"ק אדמו"ר מקאפיטשניץ שליט"א, די חתן א זון פון זיין זון הגה"צ ר' נפתלי הירץ פלינטנשטיין שליט"א יו"ר מכון שפתי צדיקים, איידעם ביי כ"ק אדמו"ר מסטרעטין זצ"ל, מיט די כלה א טאכטער פון הגה"צ ר' אברהם ענגלארד שליט"א, זון פון הגה"צ אבד"ק דאברא זצ"ל, און איידעם ביי הגה"צ ר' אהרן שפירא שליט"א גאב"ד פרדס כץ. – די שמחת השבע ברכות קומט פאר אינעם שאטער פארנט פון ביהמ"ד קאפיטשניץ אין ירושלים.
שמחת בית אמשינאוו: היינט קומט פאר די שמחת השבע ברכות פונעם חתן א זון פון כ"ק אדמו"ר מאמשינאוו בית שמש שליט"א, איידעם ביי הגה"צ ר' אהרן מענדלזון שליט"א, זון פון הגה"צ גאב"ד קוממיות זצ"ל, און איידעם ביי כ"ק הגה"צ גאב"ד מאקאווא שליט"א, מיט די כלה א טאכטער פון הגה"צ ר' עקיבא קליין שליט"א, זון פון הגה"צ אבד"ק וואשארהעלי זצ"ל, און איידעם ביי כ"ק אדמו"ר מאמשינוב שליט"א. – די שמחת השבע ברכות קומט פאר אין זאל אורה ושמחה אין בית שמש, צוגעשטעלט דורך די אמשינאווער קהילה אין בית שמש.
עס איז געשלאסן געווארן די שידוך פונעם חתן א זון פון הגה"צ ר' פנחס ווייס שליט"א אב"ד טשערנאביל מאנטשעסטער, זון פון הרב בעריש ווייס ז"ל בנו יחידו פון הגה"ק בעל מנחת יצחק זצ"ל, און איידעם ביי כ"ק אדמו"ר מהארנסטייפל מילוואקי שליט"א, מיט די כלה א טאכטער פון הרב ישראל יעקב סטעמפל שליט"א, זון פון הרב לייבל סטעמפל שליט"א, חתן כלה אייניקלעך פון הרה"ק בעל קדושת ציון מבאבוב זי"ע.
עס איז געשלאסן געווארן די שידוך פונעם חתן א זון פון הגה"צ ר' אברהם יצחק גערמאן שליט"א מרבני ק"ק באבוב אין מאנסי וראה"כ וויזניץ קייאמישא אין מאנסי, אייניקל פון הגה"צ ר' נחום מאיר גערמאן שליט"א ר"ם במתיבתא ד'באבוב, און אייניקל פון הרה"ח ר' פנחס ניימאן הי"ו ראה"ק וויזניץ וומס"ב, מיט די כלה א טאכטער פון הגה"צ ר' חיים שלמה אדלער שליט"א ראש ישיבת דרכי נועם, זון פון הגה"צ אבד"ק אמרי נועם זצ"ל, און איידעם ביי הגה"צ ר' שמעון יואל וויינבערגער שליט"א גאב"ד וויטקא.
כ"ק אדמו"ר מסאטמאר שליט"א וועלכער האט זיך אויפגעהאלטן די לעצטע פיר וואכן אין בעטלהעם ניו העמפשער אויף אפרוה, קערט זיך היינט צוריק למעון קדשו אין קרית יואל.
כ"ק אדמו"ר מראחמיסטריווקא שליט"א פון ספרינג וואלי קומט היינט אן קיין פוילין, צו פוקד זיין די קברי צדיקים קדושים אשר בארץ המה.
היינט נאכט י"ז אב געפאלט די יומא דהילולא קדישא פון הרה"ק רבי שלמה חיים האדמו"ר הזקן מקוידינוב זי"ע, נכדו כ"ק אדמו"ר מקוידינוב שליט"א וועט אפרעכטן די יארצייט טיש היינט נאכט במעון הנופש פונעם רבי'ן אין רמות ג' אין ירושלים עיה"ק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
