חסידי ומעריצי בית זוועהיל זענען מיט פרייד נתבשר געווארן איבער די פרייליכע שמחה בחצר הקודש, מיט די געבורט פון א אינגעלע א בן זכר ביי כ"ק אדמו"ר מזוועהיל שליט"א, שטייענדיג פיר יאר זינט דער רבי שליט"א איז נתעלה געווארן בכתר האדמורו"ת.
די פרייליכע שמחה קומט בלויז געציילטע טעג בעפאר עס ווערט אפגעצייכנט די יומא דהילולא קדישא פון כ"ק אדמו"ר מזוועהיל זצ"ל בעל משנת שלמה, וועלכער איז נסתלק געווארן ב' אלול תשפ"ב, נאך וועם דער רבי שליט"א האט שוין א נאמען געגעבן פאר בנו הנולד לו מיט צוויי און א האלב יאר צוריק, און שטייענדיג בלויז געציילטע טעג בעפאר עס ווערט אפגעצייכנט די דריטע יומא דהילולא קדישא פונעם רבינ'ס זיידע כ"ק אדמו"ר מראחמיסטריווקא זצ"ל.
די שמחת השלום זכר וועט פארקומען קומענדיגן שבת קודש פרשת שופטים ב' אלול, בעצם יומא דהילולא קדישא פונעם רבינ'ס פאטער כ"ק אדמו"ר מזוועהיל זצ"ל, ביים גרויסן שבת יארצייט וואס וועט געפראוועט ווערן ברוב עם אין ביהמ"ד הגדול זוועהיל אין ירושלים. די קריאת שמע ליינען און וואכנאכט וועט פארקומען מוצאי שבת קודש, און די שמחת הברית צומארגנס זונטאג אין ביהמ"ד הגדול זוועהיל. לויטן פלאן וועט די עלי' לציון לרגל די הילולא קדישא אויך פארקומען מוצאי שבת קודש אויפן הר הזיתים.
