שמחת בית בעלזא: עס איז געשלאסן געווארן די שידוך פון א אייניקל ביי כ"ק אדמו"ר מבעלזא שליט"א, החתן אלעזר יחזקאל שרגא נ"י זון פון בנו יחידו פון רבי'ן הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, מיט די כלה א טאכטער פון הרה"ג ר' שלום גראס שליט"א דומ"ץ בק"ק מחזיקי הדת בעלזא, זון פון הרה"ג ר' ראובן גראס שליט"א מראשי ישיבת שער השמים, און איידעם ביי הרה"ג ר' שמאי קהת הכהן גראס שליט"א חבר ביד"ץ דקהל מחזיקי הדת בעלזא.
עס איז געשלאסן געווארן די שידוך פון א אייניקל ביי כ"ק אדמו"ר מספינקא ירושלים שליט"א, די חתן א זון פון זיין זון הגה"צ ר' פנחס כהנא שליט"א, איידעם ביי הגה"צ ר' אליעזר ליפא כהנא שליט"א מספינקא ירושלים, מיט די כלה א טאכטער פון הגה"צ ר' דוד צבי ראזענבוים שליט"א, זון פון כ"ק אדמו"ר מסטראזניץ לאנדאן שליט"א, און איידעם ביי הגה"צ ר' יוסף קדיש בראנדסדארפער שליט"א אב"ד קהל חסידים טבריה.
היינט קומט פאר די שמחת הבר מצוה פון א אייניקל ביי כ"ק אדמו"ר מדזיקוב וויזניץ שליט"א, א זון פון זיין זון הגה"צ ר' מנחם מענדיל דוד אדלער שליט"א, איידעם ביי הגה"צ ר' ברוך שטערנבוך שליט"א אבד"ק וויזניץ בראכפעלד, איידעם ביי הגה"צ ר' מנחם ארנסטר שליט"א ראש ישיבת וויזניץ. – די שמחה קומט פאר אין ביהמ"ד הגדול דזיקוב וויזניץ אין בית שמש.
היינט קומט פאר די גרויסע מעמד מקדש השבת בחצר הקודש סאטמאר, סיום אורח חיים חלק א' והתחלת הלכות שבת במסגרת הלימוד זכרו הלכה דחסידי סאטמאר, עס קומט פאר אין קאנטינענטאל זאל אין וויליאמסבורג, אין שפיץ פון כ"ק אדמו"ר מסאטמאר שליט"א.
היינט קומט פאר די מעמד חגיגת התורה אדירה בחצר הקודש פאפא, סיום מסכת קידושין והתחלת מסכת בבא קמא במסגרת הלימוד והגית עמוד ליום, אין די פראכטפולע ברייטסטאן זאל אין פאסעיק ניו דזשערזי, אין שפיץ פון כ"ק אדמו"ר מפאפא שליט"א.
היינט קומט פאר א גרויסע מעמד כבוד התורה ופתיחת הזמן פאר הונדערטער בני הכוללים לומדי תורה אין עיר הבירה לאנדאן, אין שפיץ פונעם אורח הדגול הגאון הגדול רבי אברהם גורוויץ שליט"א ראש ישיבת געיטסהעד, אין זאל פון יסודי התורה אין לאנדאן.
היינט קומט פאר די מעמד יציקת הבורות פאר די נייע מקוה בבנין ביהמ"ד קהל דברי מרדכי קאלאמייא אין לינדען, אין שפיץ פון כ"ק אדמו"ר מקאלאמייא שליט"א.
היינט קומט פאר די מעמד הקמת המצבה על קברו פון הגה"צ ר' ישראל יעקב יוקל הורוויץ זצ"ל אבד"ק זאליזשא, ככלות השלושים לפטירתו, אויפן בית החיים דקהל יטב לב ד'סאטמאר אין קרית יואל.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד אמרי חיים וויזניץ אין בארא פארק, לע"נ הרב החסיד ר' ישראל יונגער ע"ה, די סיום כתיבת האותיות קומט פאר בביתו נאוה קודש פון כ"ק אדמו"ר מוויזניץ שליט"א פון ירושלים, און דערנאך וועט פארקומען די תהלוכה אין שפיץ פונעם רבי'ן שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד נצח ישעי' זידטשויב אין בארא פארק, לכבודו ולזכותו פון כ"ק אדמו"ר מזידטשויב שליט"א, די תהלוכה גייט ארויס פון שטוב פון הנגיד החסיד ר' שלמה פאזנער הי"ו, און די סעודה לגומרה של תורה וועט פארקומען אין די עמינענס זאל אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
