שמחת בית וויזניץ – ראחמיסטריווקא: היינט קומט פאר די שמחת הפארשפיל פונעם חתן א זון פון הגה"צ ר' מענדיל האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי הגה"צ אבד"ק ראחמיסטריווקא מאנסי שליט"א, מיט די כלה א טאכטער פון הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, זון פון כ"ק אדמו"ר מראחמיסטריווקא שליט"א, און איידעם ביי כ"ק אדמו"ר מוויזניץ שליט"א פון קייאמישא. – די שמחת הפארשפיל קומט פאר אין וויזניצע בית המדרש אין מאנטריאל.
שמחת בית ראחמיסטריווקא – ספינקא – סטריזוב – ציעשנוב – בערטש: היינט קומט פאר די שמחת השבע ברכות פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' נפתלי אברהם אביש ווייס שליט"א, זון פון כ"ק אדמו"ר מספינקא שליט"א, מיט די כלה א טאכטער פון הגה"צ ר' מנחם מענדיל אייכענשטיין שליט"א, זון פון הגה"צ אבד"ק בערטש שליט"א, און איידעם ביי הגה"צ אבד"ק ציעשנוב שליט"א, איידעם ביי כ"ק אדמו"ר מסטריזוב שליט"א. – די שמחת השבע ברכות קומט פאר אין ביהמ"ד תולדות יצחק ספינקא אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר מזוטשקא שליט"א, איידעם ביי כ"ק אדמו"ר משאץ שליט"א פון בני ברק, א זון פון זיין זון הגה"צ ר' שמעון יחיאל מיכל ראזענבוים שליט"א, איידעם ביי כ"ק אדמו"ר מזוועהיל זצ"ל. – די שמחה קומט פאר אין ביהמ"ד זוטשקא אין בני ברק.
היינט קומט פאר די שמחת השבע ברכות פון די כלה א טאכטער פון הרה"ג ר' בנימין ברייער שליט"א דומ"ץ זכרון יהודה וויען אין בארא פארק, מיט די חתן א זון פון הרב יוסף פרענקל שליט"א. - די שמחה קומט פאר אין ביהמ"ד זכרון יהודה וויען אין בארא פארק צוגעשטעלט דורך די קהילה.
היינט קומט פאר די סעודת הכנסת ספר תורה אין ק"ק בעלזא אין בארא פארק, פאר די ספר תורה וואס איז אריינגעגעבן געווארן פארגאנגענע וואך צום ביהמ"ד אמרי שי דחסידי בעלזא אין שטאט, לע"נ הגה"צ ר' שלמה הכהן גראס זצ"ל דומ"ץ הקהילה.
כ"ק אדמו"ר מביאלא בית שמש שליט"א וועט היינט מוצאי שבת אפרעכטן די יארצייט טיש לרגל די הילולא קדישא פון די זיידעס הרה"ק רבי נתן דוד משידלובצא זי"ע און הרה"ק רבי ירחמיאל צבי משעדליץ זי"ע, בבית מדרשו אויף רחוב נהר הירדן אין בית שמש.
אריינצושיקן מודעות און נייעס, שיקט אן אימעיל צו NEWS@JDNMAIL.COM
