היינט קומט פאר די שמחת הבר מצוה פון א אור אייניקל ביי כ"ק אדמו"ר מתולדות אהרן שליט"א, אייניקל פון זיין זון הגה"צ ר' משה קאהן שליט"א אבד"ק תולדות אהרן טבריה, איידעם ביי כ"ק אדמו"ר ממעליץ שליט"א פון אשדוד, א זון פון זיין זון הרב חיים יחיאל מיכל קאהן שליט"א, איידעם ביי הגה"צ ר' דוד משה ראזענבוים שליט"א אב"ד קרעטשניף רחובות, זון פון כ"ק אדמו"ר מקרעטשניף שליט"א, און איידעם ביי כ"ק אדמו"ר מדזיקוב וויזניץ שליט"א. – די שמחה קומט פאר אין ביהמ"ד הגדול תולדות אהרן אין ירושלים.
כ"ק אדמו"ר מתולדות אברהם יצחק שליט"א וועט היינט אנקומען אויף א מעמד תפילה ביים ציון הק' פון חוני המעגל, אויף א מסע הכרת הטוב והריקותי, אינאיינעם מיט די נגידים ותומכים פון ביהמ"ד הגדול תולדות אברהם יצחק אין ירושלים עיה"ק.
כ"ק אדמו"ר מסטוטשין שליט"א וועלכער איז צוגאסט די טעג אין ארץ ישראל בקרב חסידיו, וועט היינט ארויספארן קיין גליל מתפלל זיין ביי די קברי צדיקים, ביים ציון הק' פון התנא האלקי רבי שמעון בר יוחאי אין אתרא קדישא מירון, און ביים ציון הק' פון זקינו כ"ק אדמו"ר מסטוטשין זצ"ל לקראת די הילולא קדישא וואס געפאלט דעם דינסטאג ט' חשון.
כ"ק אדמו"ר מוויזניץ שליט"א פון בית שמש קומט היינט אן צוגאסט קיין ניו יארק לטובת מוסדותיו הקדושים, דער רבי שליט"א וועט היינט נאכמיטאג אנקומען קיין מאנסי און זיך דארט אויפהאלטן די קומענדיגע טעג, בבית האכסניא ביי הנגיד החסיד ר' חיים מאיר ציג הי"ו.
כ"ק אדמו"ר מקוידינוב שליט"א קומט היינט אן צוגאסט קיין באלטימאר לטובת מוסדותיו הקדושים.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול דקהל יטב לב ד'סאטמאר אויף ראדני סטריט אין וויליאמסבורג, נדבת הרב החסיד ר' לוי יצחק ליימזידער הי"ו, די סעודה לגומרה של תורה קומט פאר אין זאל כתר צבי.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד קהל תולדות אלעזר באראוו אין מאנסי, נדבת הרב החסיד ר' חנני' גאלדענבערג הי"ו.
היינט קומט פאר די מעמד פתיחת כולל ערב דחסידי סאסוב אין בית שמש, אינאיינעם מיטן יארצייט סעודה לרגל די הילולא קדישא פון הרה"ק רבי חנוך העניך מסאסוב קרעצקי זצ"ל, עס קומט פאר אין ביהמ"ד נדבורנא אראד אויף רחוב האדמו"ר מבעלזא אין בית שמש, אין שפיץ פון כ"ק אדמו"ר מסאסוב שליט"א.
כ"ק אדמו"ר מצאנז זוועהיל שליט"א וועט היינט נאכט אויפטרעטן מיט א שמועס אין ביהמ"ד צאנז קלויזענבורג אין וויליאמסבורג לרגל פתיחת זמן החורף.
אריינצושיקן מודעות און נייעס, שיקט אן אימעיל צו NEWS@JDNMAIL.COM
