שרעקליכע סצענעס ווערט פארשפרייט אין די יעצטיגע אווענט שעה'ן, נאך וואס די מדינת ישראל פאליציי האט זיך אויפגעפירט גאר ברוטאל וועלנדיג באקעמפן א הפגנה אין ליכט פון די שרעקליכע גזירה גיוס בני הישיבות, און צען אידן זענען ליידער געווארן אפגעפירט אין שפיטאל מיט ערנסטע וואונדן ה"י.
די הפגנה איז פארגעקומען אויף שאסיי נומער 4 נעבן בני ברק, וואו הונדערטער אידן זענען ארויסגעקומען מוחה זיין קעגן די שרעקליכע רדיפת הדת בארץ הקודש. די מדינת ישראל פאליציי וועלכע איז געווארן שטארק אויפגעברויזט האט פרובירט צו פארטרייבן די מוחים, און האבן זיך אויפגעפירט מיט א שרעקליכע ברוטאליטעט קעגן די אידן דארט, ווען טייל זענען שווער פארוואונדעט געווארן דורך די פאליציי.
פילע ארטיגע פאליטיקאנטן זענען ארויסגעקומען מיט שארפע פארדאמונגען קעגן די פאליציי פאר די געמיינע אויפפירונג, און פארלאנגען א באלדיגע אויפהער צו אזעלכע אקטיוויטעטן.
