כ"ק אדמו"ר מבאבוב 45 שליט"א לאזט זיך היינט ארויס אויף א קורצע מסע הקודש קיין שיקאגא, וואו דער רבי שליט"א וועט פראווענען אן ערשטמאליגע שבת אין ק"ק זידטשויב חודרוב, לרגל די שמחת השבע ברכות פון א אייניקל. היינט אויפדערנאכט וועט פארקומען א מעמד קבלת פנים מיט די רבני העיר וראשי הישיבות, און דער רבי שליט"א וועט אויפטרעטן מיט א שיעור כללי אין ישיבת עץ חיים.

כ"ק אדמו"ר מוויזניץ שליט"א פון וויליאמסבורג וועט היינט אנקומען קיין מאנסי, און פוקד זיין דעם ציון הק' פון אביו הרה"ק בעל תורת מרדכי מוויזניץ זצ"ל לקראת די שמחת החתונה פון א אייניקל וואס קומט פאר די קומענדיגע וואך אין ארץ ישראל. אזוי אויך וועט דער רבי אויפנעמען דעם ציבור לכבוד די שמחה אין שטוב פון הנגיד החסיד ר' הערשל גרינבוים הי"ו.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול תולדות אהרן אין ירושלים עיה"ק, נדבת הרב החסיד ר' אלכסנדר קרויס הי"ו, אין שפיץ פון כ"ק אדמו"ר מתולדות אהרן שליט"א.

שמחת בית ספינקא: היינט קומט פאר די שמחת השבע ברכות פונעם חתן א זון פון הגה"צ ר' ארי' מרדכי ראבינאוויטש שליט"א, זון פון כ"ק אדמו"ר ממשכנות הרועים שליט"א, און איידעם ביי כ"ק אדמו"ר מבית יצחק ספינקא שליט"א, מיט די כלה א טאכטער פון הגה"צ ר' מנחם נחום טווערסקי שליט"א, זון פון כ"ק אדמו"ר מטשארנאביל שליט"א, און איידעם ביי הגה"צ ר' נפתלי אלימלך לייזער שליט"א אבד"ק פשעווארסק לאנדאן, בנו הגדול פון כ"ק אדמו"ר מפשעווארסק שליט"א. – די שמחת השבע ברכות קומט פאר אין זאל פון ת"ת באבוב אין לאנדאן, צוגעשטעלט דורך קהל בית יצחק ספינקא.
היינט קומט פאר די שמחת החתונה פונעם חתן א זון פון הרב חיים יקותיאל האלפערט שליט"א, זון פון הרב שלום האלפערט שליט"א, און איידעם ביי כ"ק אדמו"ר מספינקא קרית יואל זצ"ל, מיט די כלה א טאכטער פון הרב נחמן לעבאוויטש שליט"א, זון פון הרב זלמן לייב לעבאוויטש שליט"א, עלטסטע אור אייניקל פון כ"ק אדמו"ר מקארלסבורג שליט"א. – די שמחת החתונה קומט פאר אין זאל בית רחל פאראדייס אין קרית יואל.
שמחת בית סלאנים: עס איז געשלאסן געווארן די שידוך פון א אייניקל ביי כ"ק אדמו"ר מסלאנים שליט"א, די חתן א זון פון זיין זון הגה"צ ר' יוסף דוד וויינבערג שליט"א ראש ישיבה לצעירים סלאנים, מיט די כלה א טאכטער פון הרב ברוך סגל שליט"א מחשובי חסידי סלאנים.
עס איז געשלאסן געווארן די שידוך פונעם חתן א זון פון הגה"צ ר' ברוך ווידער שליט"א, זון פון הגה"צ אבד"ק לינז שליט"א, און איידעם ביי הגה"צ ר' דוד רובין שליט"א מדאמבראווא, מיט די כלה א טאכטער פון הגה"צ ר' חיים מאיר ארנסטר שליט"א, זון פון הגה"צ ר' ישראל ארנסטר שליט"א, און איידעם ביי כ"ק אדמו"ר מנייטרא שליט"א.
עס איז געשלאסן געווארן די שידוך פונעם חתן א זון פון הגה"צ ר' יהושע אשר ווייסבלום שליט"א אבד"ק סערצין, זון פון כ"ק אדמו"ר משעניצא זצ"ל, מיט די כלה א טאכטער פון הגה"צ ר' זלמן לייב רובין שליט"א, זון פון הגה"צ אבד"ק טאמאשוב שליט"א, און איידעם ביי הגה"צ אבד"ק בערטש שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM