אידישע קינדער זענען מרבה בתפילה לרפואת הגאון הגדול רבי אברהם גורוויץ שליט"א ראש ישיבת בית יוסף געיטסהעד, וועלכער איז היינט אריינגעפירט געווארן אין שפיטאל צוליב א שווערע אינפעקציע.

דער ראש ישיבה איז געווען שפיטאליזירט מיט צוויי וואכן צוריק, און האט זיך ב"ה אומגעקערט אהיים נאכן זיך ערהוילן, היינט אבער איז אנטדעקט געווארן א פרישע שווערע אינפעקציע, און מען האט געמוזט צוריק אריינפירן דעם ראש ישיבה אין שפיטאל, דאסמאל אין א גרויסע שפיטאל אין ניו קאסעל אין ענגלאנד. א גרויסע עצרת תפילה איז פארגעקומען היינט בהיכל הישיבה אין געיטסהעד צו מתפלל זיין לרפואתו השלימה פונעם ראש ישיבה, הגאון רבי אברהם בן חנה ליבא בתוך שאר חולי ישראל.