אלפי חסידי וויזניץ ברחבי תבל זענען איינגעהילט אין א ערנסטן שטימונג זיך גרייטענדיג צו גרויסע מעמדי תפילה מארגן דאנערשטאג, איינצורייסן רחמי שמים לרפואתו השלימה פון רבם ומאורם כ"ק אדמו"ר מוויזניץ שליט"א לרפו"ש, וועלכער געפונט זיך ליידער אין זייער א שוואכן צושטאנד, און איז אנגעוויזן אויף גרויס רחמי שמים.
מארגן נאכט ליל שישי פרשת תולדות, לסדר "ויעתר לו השם", וועלן טויזענטער חסידים זיך פארזאמלען ביים ציון הק' פון התנא האלקי רבי שמעון בר יוחאי אין אתרא קדישא מירון, וואו מען וועט אויסזאגן גאנץ ספר תהלים ביים הארץ פון כלל ישראל, און די פסוקים פון תמניא אפי מיטן רבינ'ס נאמען.
אין די זעלבע צייט וועלן די הונדערטער בחורי הישיבות דחסידי וויזניץ בארץ הקודש, זיך פארזאמלען ביים מערת המכפלה, ביי די קברי אבות וואו אזויפיל אידן זענען שוין געהאלפן געווארן. די מעמד תפילה דורך די בחורים אין חברון וועט פארקומען אין שפיץ פון די קינדער פונעם רבי'ן שליט"א, ובגלל אבות תושיע בנים, ותביא גאולה לבני בניהם.
