א קליין קינד פון זיבן יאר איז דער רבי געווען ביי די צווייטע וועלט מלחמה, ער איז אפגעטיילט געווארן פון זיינע עלטערן מיטן האפענונג צו אנקומען קיין ארץ ישראל, און מיט הימלישע נסים איז ער אנגעקומען בשלימות ברוחניות ובגשמיות, א דערגרייכונג וואס ווייניג האבן זוכה געווען
סיפור נס ההצלה פארציילט דורכ'ן רבי'ן זצ"ל, וויאזוי ער איז געראטעוועט געווארן ביים צווייטן וועלט מלחמה, הערליך באשריבן דעם יו"ט פסח אין "די וואך" מאגאזין, אין ראם פונעם פראיעקט "אז רוב נסים הפלאת".
פארלאפענעם ערב פסח איז איינער פון די נאנטע אייניקלעך ביים רבי'ן זצ"ל אריין אל הקודש פנימה, און פארגעליינט די רייכע באשרייבונג אין "די וואך", וואס ברענגט אראפ וואס דער רבי האט פארציילט פון זיינע מיטמאכענישן ביים קריג, דער רבי זצ"ל האט אויסגעבראכן אין א געוויין, אויסגעהערט די גאנצע זאך, און זיך אנגערופן :אלעס וואס עס שטייט איז אמת, ס'איז א שאד אז כ'האב נישט דערציילט מער במשך די יארן.
