שטייענדיג א וואך צייט נאך וואס כ"ק אדמו"ר מקאסוב שליט"א איז שפיטאליזירט געווארן זייענדיג שטארק נישט געזונט, הערט מען פון די מקורבים ביים רבי'ן און די דאקטוירים אז די מצב ביים רבי'ן איז נאך ווייט פון גוט, דער רבי איז אנגעוויזן אויף אסאך תפילות, נאך וואס די לעבער פונקציאנירט נישט געהעריג.
אין צוגאב צו די שוואכע לעבער רעאקציע, מוטשעט מען זיך מיט א שווערע אינפעקציע וואס העלפט בכלל נישט ארויס די מצב, און די דאקטורים זאגן אז מען זאל דאווענען אן אויפהער דער רבי זאל זיך ערהוילן ווי אמשנעלסטן.
אין ביהמ"ד קאסוב אין ב"פ קומען כסדר פאר מניני תהלים, וואו די חסידים און תושבי העיר נעמען זיך צוזאם צו דאווענען לרפואתו השלימה פונעם רבי'ן. היינט נאכט וועט פארקומען א גרויסע עצרת תפילה אין ביהמ"ד שאטו פארק אין לעיקוואד, וואו הונדערטער תושבי העיר בראשות גדולי ישראל וועלן איינרייסן וועלטן פארן רבינ'ס געזונט, די עצרת וועט זיך אנהייבן מיט תפילת מעריב 10:00 ביינאכט, נאכגעפאלגט מיט דברי התעוררות און אמירת תהלים.
והן קל כביר לא ימאס תפילת הרבים.
