היינט נאכמיטאג איז כ"ק אדמו"ר מסערדאהעלי שליט"א אריינגעפארן אין שפיטאל פאר באהאנדלונגען, נאכן ליידן פון א שווערע אינפעקציע. דער רבי איז געווען היבש אפגעשוואכט די לעצטע צוויי טעג, און נאכן דורכפירן פארשידענע אונטערזוכונגען דורך פראפעסארן איז דער רבי אויפן ראט פון די דאקטוירים אריינגעפארן צו די מאונט סיני שפיטאל אין מאנהעטן.
היינט מאנטאג האט דער רבי געדארפט ארויספארן קיין קרית יואל וואו עס האט געזאלט פארקומען א גרויסע מגבית מיט א רייע מסיבות אין שפיץ פונעם רבי'ן, לטובת די סערדאהעלי ישיבה וואס שטייט בנשיאתו פונעם רבי'ן, היינט אבער צוליב דעם רבינ'ס שוואכע געזונט צושטאנד איז די נסיעה געווארן אפגעשטופט אויף א קומענדיגע געלעגנהייט.
די דאקטוירים האפן צו באהאנדלען דעם רבי'ן אין די קומענדיגע טאג, מיטן האפענונג אז דער רבי וועט קענען באפרייט ווערן ווי אמשנעלסטן, כלל ישראל איז מתפלל לרפואת כ"ק הרה"צ רבי חיים יהודה בן חנה לרפואה שלימה.
