אין ליכט פון די מצב הבריאות ביי כ"ק אדמו"ר מסקולען שליט"א וואס איז ליידער ווייט פון גוט די לעצטערע טעג, דער רבי געפונט זיך אין די אינטענסיוו קעיר אפטיילונג אין שפיטאל אונטער א שטענדיגע אויפזיכט פון דאקטוירים וואס ווארטן אויף א פארבעסערונג, וועט היינט דינסטאג ביום צום שבעה עשר בתמוז פארקומען מערערע עצרות תפילה והתעוררות, וואו מען וועט אויסזאגן ספר תהלים ברוב עם איינצורייסן פארן רבינ'ס געזונט, כ"ק הרה"צ רבי ישעי' יעקב בן רייזל לרפואה שלימה.
אין סקולענער בית המדרש אין בארא פארק וועט מען זיך צוזאמנעמען זעקס דרייסיג נאכמיטאג אויף אמירת תהלים, נאכגעפאלגט מיט תפילת מנחה וקריאת ויחל, אויך אין די סקולענע בתי מדרשים אין וויליאמסבורג און מאנטריאל וועט מען אויסזאגן גאנץ ספר תהלים. ביים ציון הק' פון אדמור"י בית סקולען זי"ע אין מאנסי וועט פארקומען א מנין תהלים, און אזוי אויך ביים ציון הק' פון הרה"ק מסאטמאר זי"ע אין קרית יואל.
