חסידי צאנז קלויזענבורג בארץ הקודש גרייטן זיך בהכנה דרבה צו מקבל זיין את פני הקודש פון מאורם ורבם כ"ק אדמו"ר מצאנז קלויזענבורג שליט"א וועלכער וועט אנקומען אויף א געהויבענע באזוך אין ארץ ישראל אין ווייניגער ווי צוויי וואכן ארום, און פראווענען א געהויבענע שבת בקרב חסידיו תושבי ארה"ק.
דער רבי שליט"א נעמט אונטער די נסיעה נאך א לענגערע סוקסעספולע מגבית וואס דער רבי האט אונטערגענומען לטובת די אויפבוי פון צוויי נייע בתי מדרשים אין ירושלים און בני ברק, דער רבי איז ארומגעפארן אין עטליכע שטעט און באשיינט צענדליגע מסיבות און באנקעטן, זייענדיג מחייב יעדן חסיד אנטייל צו נעמען אין דעם היסטארישן פראיעקט. אצינד גרייט זיך דער רבי ארויסצופארן קיין ארץ ישראל און באגלייטן פון דער נאנט די הרחבת גבולי הקדושה, און מרעיף זיין טללי תחיה אויף די ארטיגע חסידים.
דער רבי וועט אנקומען קיין ארץ ישראל מאנטאג פרשת כי תצא, און פארבלייבן אין לאנד ווייניגסטנס א וואך צייט, ווען דורכאויס די ימי הביקור וועט פארקומען מערערע מעמדי קודש "והופע והנשא" לטובת די מאסיווע פראיעקט פאר הרחבת גבולי הקדושה. שבת קודש וועט דער רבי פראווענען אויף א גרויסע פארנעם אינאיינעם מיט קהל חסידיו פון ארץ ישראל, און מאמענטאל איז נאכנישט פארהאן צופיל מער דעטאלן איבער די געהויבענע באזוך.
