מיט שאק און טרויער ווערט אויפגענומען די שווערע בשורה איבער די פלוצלינגדיגע פטירה פון הרבנית רויזא נעכא אדלער ע"ה, אשת חבר הגה"צ ר' אשר אדלער שליט"א אבד"ק סערעדנא אין מאנסי, און לאנגיעריגער מנהלת אין די סאטמארע מיידל שולע אין מאנסי.
די רעבעצין ע"ה איז געווען א טאכטער פון הגה"צ ר' מאיר שמואל קליינמאן זצ"ל אבד"ק מארגארעטען, איר מאמע איז געווען פאר לאנגע יארן די מנהלת אין סאטמארע מיידל שולע אין בארא פארק, און אויף איר דרך אין חינוך האט זי ווייטער משפיע געווען פאר טויזענטער תלמידות אין סאטמארע מיידל שולע אין מאנסי, זייענדיג א מוסטער פאר יעדן איינעם מיט אירע פעולות טובות און מעשי צדקה וחסד.
היינט מאנטאג צום ערשטן טאג פון די נייע לערן יאר, איז זי ליידער נישט אויפגעשטאנען רח"ל, צום טיפן שאק און שוידער פון אלע באקאנטע, בני המשפחה און טויזענטער תלמידות וועלכע טרויערן אויף דעם שרעקליכן פארלוסט. די לוויה קומט פאר צוועלף דרייסיג מיטאג ביי ביהמ"ד סערעדנא אין מאנסי, דערנאך וועט עס אריבערגיין ביים סאטמארע מיידל שולע אויפן וועג קיין קרית יואל וואו זי וועט קומען לקבורה.
