ברעכנדע נייעס ווערט היינט באקאנט אויף די היימישע וויליאמסבורגער גאסן, אז דער געוועזענער פרעזידענט דאנאלד טראמפ וועלכער לויפט אצינד פאר ווידערוויילונג, וועט באזוכן די היימישע געגנט אין וויליאמסבורג דעם דאנערשטאג פרשת כי תבוא.
היימישע אידן אין וויליאמסבורג זענען איבערראשט מיט די מעלדונג, ווען אזא מאכטפולער פיגור וועט באזוכן אין צענטער פון די היימישע געגנט, ביי גאטליבס רעסטוראנט וואס געפונט זיך ביים ווינקל פון ראבלינג סטריט און דיוויזשאן עוועניו, אין בעפארברייטונג צו די באזוך, זענען פארשטייער פון די סיקרעט סערוויס געווען היינט ביי גאטליבס רעסטוראנט וואו זיי האבן באטראכט די פלאץ ארום און ארום, אויסרעכענען פאזיציעס וואו צו שטעלן סנייפער'ס און געלונגענע אפיצירן, צו פארזיכערן דעם גאנצן באזוך פון עטליכע שעה פריער ביז טראמפ וועט פארלאזן די געגנט.
צופיל דעטאלן ארום די באזוך איז נאכנישט געמאלדן געווארן, אבער ווי עס שיינט איז עס א קאמפיין סטראטעגיע אויפצוטרייבן שטיצע אין בעפארברייטונג צו די פרעזידענטליכע וואלן קומענדיגן נאוועמבער.
