נסים האט נעכטן נאכט פאסירט מיט א באס פול מיט סאטמאר'ע בחורים וועלכע זענען געפארן אויף די ניו יארק 17, אינעם געגענט פון גושן, ווען א קאר איז געקומען צו פליען פון פארנט, פונעם פארקערטן ריכטונג, און שיעור זיך נישט צוזאמגעזעצט מיט זייער באס.
אינעם לעצטן רגע, ווע ןדי באס דרייווער האט געזען כי כלתה עליו הרע, האט ער געגעבן א ברעיק מיט די באס, וואס האט זיך בלויז גענומען ווארפן צו אלע זייטן ביז עס איז צוריקגעקומען אינטער קאנטראל, אבער בחסדי שמים מרובים האט מען באוויזן צו פארמיידן דעם שנעל-פארענדע קאר הממשמש ובא.
רגעים שפעטער, האט די ווילדע קאר אריינגעשמיסן אין א טרעקטאר-טרעילאר מיט א ווילדע אימפעקט, וועלכע האט געפירט אז סיי די קאר און סיי די טראק זאלן אויפרייסן אין פלאמען, אומברענגענדיג די דרייווער פונעם קאר אויפן פלאץ און שווער פארוואונדערט די טראק דרייווער. ב"ה אז קיין אידישע נפשות זענען נישט געווען פארמישט אין דעם עקסידענט.
די בחורים האבן ערשט דעמאלסט געכאפט וואספארא גרויסע נס זיי האבן דא מיטגעלעבט, זייענדיג עטליכע אינטשעס אוועק פון א גאנץ צווייטע אויסגאנג ה"י
