אפדעיט פרייטאג 2:00 מיטאג
די פייער דעפארטמענט איז נארוואס אוועקגעפארן פון סקווירא שטעטל, איבערלאזנדיג די גאנצע בנין ביהמ"ד החדש אין א שווערע פארנעם, א סוויטע פון הונדערטער ארבייטער זענען יעצט אנגעקומען אין ביהמ"ד און ארבעטן צו רייניגן די גאנצע בנין, מיטן האפענונג אז די מעמד מוצאי שבת וועט אי"ה פארקומען ווי געפלאנט.
מאמענטאל איז נאכנישט פארהאן קיין עלעקטעריק אין די בנין הביהמ"ד, און עס איז פארהאן א מעגליכקייט אז די תפילות פרייטאג צונאכטס וועט פארקומען אין די גרויסע שאטער אין שטעטל.
--------------------------
אפדעיט פרייטאג 1:00 מיטאג
די שווערע שאדן וואס די פייער האט אנגעברענגט אז נאכנישט פארטיג, און די באאמטע זענען נאך פארנומען מיט די נאכווייען, דערווייל איז פארהאן א קורצשלוס איבער די גאנצע בנין ביהמ"ד, סיי די נייע בנין און סיי די אלטע, און די מקוואות אין שטעטל זענען דערווייל נישט אין באנוץ.
דערווייל איז נאכנישט ארויסגעלייגט געווארן קיין מעלדונג איבער די געפלאנטע מעמד פתיחת ההיכל מוצאי שבת.
--------------------------
אפדעיט פרייטאג 11:30
לויט די יעצטיגע באריכטן האט זיך די פייער אנגעהויבן ווען א קאנסטראקשען ארבעטער האט געשמעלצט אייזן, און די פונקען האט זיך אנגעכאפט אין די האנטוכער דערנעבן, וואס האט צוגעברענגט א גרויסע פייער מיט א שרעקליכע רויעך אין די גאנצע געביידע.
---------------------------
אפדעיט פרייטאג 11:15
לויט די באריכטן אויפן סצענע איז די פייער שוין ב"ה געברענגט געווארן אונטער קאנטראל, צוליב די גרויסע צאל האנטוכער אין די לאנדרי רום האט זיך די פייער שטארק פארשפרייט דארט אין צימער, און האט דעריבער אנגעברענגט א שרעקליכע רויעך אין די גאנצע געביידע, איין פייערלעשער איז לייכט פארוואונדעט געווארן און ווערט באהאנדלט דורך חברה הצלה ד'שיכון סקווירא.
---------------------------
יעצט פארמיטאג האט אויסגעבראכן א פייער אין די לאנדרי רום ביי די מקוה אין ביהמ"ד הגדול והחדש ד'שיכון סקווירא, רויעך וואלקענעס קומען ארויס פון די נייע היכל ביהמ"ד וואס איז געפלאנט צו ווערן באנייעט דעם מוצאי שבת קודש, לויט די באריכטן האט א דרייער אויפגעריסן און די גאנצע ביהמ"ד ווערט עוועקואירט, פייערלעשער זענען אקטיוו אויפן סצענע, און די גאנצע ביהמ"ד אריינגערעכנט די ביז יעצטיגע בנין האט נישט קיין עלעקטעריק צוליב די פייער.
