אפדעיט דאנערשטאג 9:30 ביינאכט
שווערע נייעס הערט מען אז דער אידישער פילאט איז האברך החשוב ר' יעקב פריעדמאן ע"ה פון מאנסי, וועלכער איז ל"ע טראגיש אומגעקומען אין די עקסידענט, פרטים איבער די לוויה וועט נאכפאלגן.
ווי עס ווערט באריכטעט האט די פליגער פארלוירן קראפט אין די מאטאר נאך אינמיטן פליען, און ביים פרובירן צו מאכן אן עמערדזשענסי לאנדונג האט עס פארפאסט די ראנוועי און אראפגעקראכט אויף די אינטערסטעיט 684 הייוועי וואס פארבינדט וועסטשעסטער ניו יארק מיט קאנעקטיקוט.
דער אנדערער פאסאנדזשיר אויפן פליגער געפונט זיך אין שפיטאל, ב"ה אין א סטאבילע צושטאנד, ער איז נאך אנגעוויזן אויף אסאך תפילות, קלונימוס ברוך בן צארטל לרפואה שלימה.
-------
א שווערע טראגעדיע האט פאסירט יעצט ביינאכט אין ניו יארק, ווען צוויי חרדישע אידן זענען געפארן אויף א קליינע פליגער וואס האט אראפגעקראכט, און איין איד איז ל"ע טראגיש אומגעקומען רח"ל. די פליגער האט געהאלטן ביים לאנדן אין די וועסטשעסטער לופטפעלד, און האט אראפגעקראכט אויף די דערנעבענדיגע 684 הייוועי צווישן די ליניעס. דער אידישער פילאט ר' יעקב פריעדמאן ע"ה איז ליידער טראגיש אומגעקומען אין די קראך, און נאך א פאסאנדזשיר איז שווער פארוואונדעט, קלונימוס ברוך בן צארטל לרפו"ש.
