היינט כ"א כסלו ווערט אפגעצייכנט די אכציגסטע יום הצלה והשחרור פון הרה"ק מסאטמאר זי"ע ביים צווייטן וועלט קריג, אין אלע בתי מדרשים און קהילות הקודש דחסידי סאטמאר אלוועלטליך וועט מען פראווענען סעודות הודאה און מלוה מלכה'ס לכבוד דעם גרויסן טאג.
כ"ק אדמו"ר מסאטמאר שליט"א וועט פראווענען די גרויסארטיגע סעודת הודאה און מלוה מלכה אין די גיגאנטישע שאטער ביים וואטערפראנט סקווער אין וויליאמסבורג, אינאיינעם מיט די יערליכע דינער "גדלו והצליחו" לטובת די מוסדות אין וויליאמסבורג, בשילוב מיט די שמחת השבע ברכות פון א אייניקל.
כ"ק הגה"צ גאב"ד סאטמאר מאנסי שליט"א וועט פראווענען די סעודת הודאה און מלוה מלכה, אינאיינעם מיט די יערליכע דינער "ליל ההודאה" לטובת די מוסדות אין מאנסי, אין ביהמ"ד הגדול ויואל משה ד'סאטמאר אין מאנסי.
הגה"צ ר' יואל טייטלבוים שליט"א אבד"ק בית ברוך אין קרית יואל בן כ"ק אדמו"ר מסאטמאר שליט"א, וועט באשיינען און אויפטרעטן ביים יערליכן סעודת הודאה און דינער לטובת די סאטמארע מוסדות אין לאנדאן, אין זאל פון יסודי התורה אין לאנדאן.
הגה"צ ר' יואל טייטלבוים שליט"א בן כ"ק אדמו"ר מסאטמאר שליט"א, וועט באשיינען און אויפטרעטן ביים יערליכן סעודת הודאה און דינער לטובת די סאטמארע מוסדות אין מאנטריאל.
לרגל די יומא דהילולא קדישא פון הגה"ק מטענקא זצ"ל בעל חמד שלמה וואס געפאלט היינט אויפדערנאכט כ"א כסלו, וועט פארקומען די יארצייט סעודה און מלוה מלכה אין טענקא ביהמ"ד אין בארא פארק, אינאיינעם מיט די מעמד סיום ג' בבות וואס איז געלערנט געווארן ביים טעגליכן שיעור אין ביהמ"ד.
היינט קומט פאר די יערליכע מלוה מלכה דולה ומשקה פאר כלל תלמידי וחסידי תולדות יהודה סטוטשין, אין זאל בית שרה אין בארא פארק, אין שפיץ פון כ"ק אדמו"ר מתולדות יהודה סטוטשין שליט"א.
כ"ק אדמו"ר מטאהש שליט"א וועט היינט ארויספארן אויף א מסע הקודש צום שטאט טאהש אין אונגארן, צו פוקד זיין דעם ציון הק' פון זקינו הרה"ק רבי אלימלך הסבא קדישא מטאהש זי"ע ביומא דהילולא קדישא.
כ"ק אדמו"ר מוויזניץ שליט"א קומט היינט אן אויף א תפילת רבים ביים שריד בית מקדשינו דער כותל המערבי, מתפלל זיין לקראת די שמחת הבר מצוה פון א אייניקל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
