היינט מיטאג האט דער מעיאר פון ניו יארק סיטי עריק עדעמס אפגעשטאט א באזוך אין די היימישע געגנט אין בארא פארק, אפגעהאלטן א זיצונג מיט א רייע לאקאלע עסקנים, און באזוכט פארשידענע לאקאלן, אריינגערעכנט די הויפטקוואטירן פון "די וואך".

אין די אפיסעס פון "כלל מידיע", וואס נעמט אריין די פאבריקאציע פון די פאפולערע "די וואך" מאגאזין, אונזער JDN נייעס פלאטפארמע, בארא פארק 24 מידיע קאמפאני און נאך פיל, האט דער מעיאר פארברענגט א שיין ביסל מיט די אנוועזנדע ארבייטער און נאך עטליכע פאליטיקאנטן, דערביי איז אויסגעשמועסט געווארן פארשידענע טעמעס אנבאלאנגט די אידישע אינטערעסן אין די סיטי, און וויאזוי די אידישע נייעס פלאטפארמעס באטראכטן דעם מעיאר אלס א ריכטיגער אוהב ישראל מיט זיינע פילע לייסטונגען לטובת הכלל והפרט.

א ספעציעלע אויפנאמע איז פארגעקומען דורך די לאקאלע עסקנים פון בארא פארק JCC, וואו דער מעיאר האט זיך באטייליגט ביי א חנוכה צערעמאניע און געצינדן א מנורה, עס איז אויסגעשמועסט געווארן פארשידענע אקטיווע טעמעס איבער די סוקסעספולע פארבינדונגען צווישן דער מעיאר און די אידישע געמיינדע אין ניו יארק סיטי.