שמחת בית סלונים: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מסלונים שליט"א, די חתן א זון פון זיין איידעם הגה"צ ר' חיים יהודה לייב אויערבאך שליט"א, זון פון הגה"צ אבד"ק אביר יעקב תל אביב שליט"א, מיט די כלה א טאכטער פון הרב ברוך מרדכי מאלוויצקי שליט"א, זון פון הגה"צ ר' אהרן לייב מאלוויצקי שליט"א מלעכאוויטש, אייניקל פון כ"ק אדמו"ר מטשאקאווא זצ"ל. – די שמחת האויפרוף קומט פאר אין ביהמ"ד הגדול סלונים אויף רחוב סלנט אין ירושלים.
דעם שב"ק קומט פאר די שמחת האויפרוף פונעם חתן א זון פון הגה"צ ר' ישכר רובין שליט"א אבד"ק קאזניץ סיגעיט, אייניקל פון כ"ק אדמו"ר מנאראל שליט"א, און איידעם ביי כ"ק אדמו"ר מקאסוב זצ"ל, מיט די כלה א טאכטער פון הגה"צ ר' משה שמואל ראטטענבערג שליט"א, זון פון כ"ק אדמו"ר מקאסאן לעיקוואד שליט"א, און איידעם ביי הגה"צ ר' משה יוסף אונגער שליט"א אבד"ק ווייטצען שיקאגא. – די שמחת האויפרוף קומט פאר אין ביהמ"ד הגדול והחדש דחסידי קאסוב אין בארא פארק.
היינט ערב שבת קומט פאר די שמחת פדיון הבן פון א אור אייניקל ביי כ"ק אדמו"ר מספינקא שליט"א, אייניקל פון זיין איידעם הגה"צ ר' שלום יצחק טויבער שליט"א סגן דומ"ץ באבוב, זון פון הגה"צ דומ"ץ באבוב שליט"א, בן הנולד ביי זיין זון הרב שמחה ישכר בער טויבער שליט"א, איידעם ביי הגה"צ ר' בעריש ארנסטר שליט"א, זון פון הגה"צ ר' ישראל ארנסטר שליט"א, און איידעם ביי הגה"צ ר' לייבוש רובין שליט"א מציעשנוב. – די שמחה קומט פאר אין ספינקא בית המדרש אין בארא פארק.
כ"ק אדמו"ר מתולדות יהודה סטוטשין שליט"א איז צוגאסט אויף דעם שב"ק בקרב חסידיו אין וויליאמסבורג, די תפילות און טישן קומען פאר אין קאנטינענטאל זאל.
כ"ק אדמו"ר מספינקא שליט"א וועלכער איז צוגאסט די טעג אין ארץ ישראל בקרב חסידיו, וועט פראווענען דעם שבת די תפילות און טישן בבית מדרשו אויף רחוב ראשית חכמה אין ירושלים.
כ"ק אדמו"ר מזוטשקא שליט"א איז צוגאסט אויף דעם שב"ק אין קוממיות, אויף א שבת התאחדות מיט די בחורי החסידות.
כ"ק אדמו"ר מאונגוואר שליט"א איז צוגאסט אויף דעם שב"ק אין ירושלים, בקרב תלמידי ישיבתו הק' בית שערים.
כ"ק אדמו"ר משענדישוב שליט"א איז צוגאסט אויף דעם שב"ק אין לאס אנדזשעלעס לטובת מוסדותיו הקדושים, די תפילות און טישן קומען פאר אין די חסידישע כולל יחיאל יהודה, די אכסניא איז אין שטוב פון הנגיד החסיד ר' שמעון פיינגאלד הי"ו.
הגה"צ ר' יצחק מאיר מארגענשטערן שליט"א אדמו"ר מתורת חכם איז צוגאסט אויף דעם שב"ק אין שטאט אומאן אין אוקריינע, סמוך ונראה צום ציון הק' פון הרה"ק רבי נחמן מברסלב זי"ע.
הגה"צ ר' יוסף ברייאר שליט"א בנו הגדול פון כ"ק אדמו"ר מבאיאן שליט"א, איז צוגאסט אויף דעם שבת אין שטאט מעזבוזש אין אוקריינע, אינאיינעם מיט פילע נדיבי לב תומכי מרכז מוסדות באיאן בארה"ק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
