א העלישע פייער האט אויסגעבראכן די נאכט אין א באוואוינטע הויז אין די עירמאונט געגנט אין מאנסי, און א דאנק די שנעלע רעספאנס פון העאראישע וואלאונטירן, איז פארמיטן געווארן א טראגעדיע אין די לעצטע מינוט.
די פייער האט זיך אנגעהויבן אין די בעק יארד פון א באוואוינטע הויז אויף קאנטרי קלאב ראוד אין עירמאונט, בליץ שנעל האט זיך עס אנגעכאפט אין די הויז און איינגעהילט אין פלאמען, די מאנסי פייער דעפארטמענט איז אלארמירט געווארן אויפן סצענע און באוויזן צו פארלעשן די פייער אונטער געציילטע מינוטן. מיט העראאישקייט זענען די וואלאונטירן אריינגעשפרינגען אינעווייניג זיכער צו מאכן אז איינוואוינער זענען נישט פארכאפט אינעווייניג, און בחסדי ה' איז קיינער נישט פארוואונדעט געווארן.
