שמחת בית וויזניץ: היינט קומט פאר די שמחת החתן מאהל פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין זון הגה"צ ר' אברהם יהושע העשיל האגער שליט"א, איידעם ביי כ"ק אדמו"ר מבארניב שליט"א, מיט די כלה א טאכטער פון כ"ק אדמו"ר מוויזניץ שליט"א פון מאנטריאל. – די שמחת החתן מאהל קומט פאר אין ביהמ"ד אהבת ישראל וויזניץ אין מאנטריאל. דער זיידע כ"ק אדמו"ר מוויזניץ שליט"א פון קייאמישע קומט היינט אן צוגאסט קיין מאנטריאל לכבוד די שמחה, און וועט האבן די אכסניא אין שטוב פון הנגיד החסיד ר' יעקב לאקס הי"ו. דער זיידע כ"ק אדמו"ר מבארניב שליט"א איז אנגעקומען צוגאסט קיין מאנטריאל לכבוד די שמחה, און וויילט בבית האכסניא ביי הנגיד החסיד ר' שמואל פישמאן הי"ו.
היינט קומט פאר די שמחת פדיון הבן פון א אור אייניקל ביי כ"ק אדמו"ר מוויזניץ שליט"א פון מאנסי, אייניקל פון זיין זון הגה"צ ר' משה האגער שליט"א, איידעם ביי כ"ק אדמו"ר מביקסאד שליט"א, בן הנולד ביי זיין איידעם הרב חיים מאיר האגער שליט"א, זון פון הגה"צ ר' יעקב יוסף האגער שליט"א, זון פון כ"ק אדמו"ר מוויזניץ שליט"א פון לאנדאן, און איידעם ביי הגה"צ ר' ישכר דוב טויב שליט"א אב"ד זכרון נפתלי ארי' נעשכיז, אור אייניקל פון כ"ק אדמו"ר מקאלוב שליט"א. – די שמחה קומט פאר אין ביהמ"ד הגדול וויזניץ אין מאנסי.
היינט נאכט ט"ו טבת געפאלט די יומא דהילולא קדישא פון כ"ק אדמו"ר הרה"ק בעל דבר חיים מנדבורנא זצ"ל, די אייניקלעך כ"ק האדמורי"ם שליט"א לבית נדבורנא וועלן אפרעכטן די יארצייט טישן היינט אויפדערנאכט אין די בתי מדרשים.
כ"ק אדמו"ר מסקווירא שליט"א פארט היינט ארויס קיין כרמל קאליפארניע, וואו דער רבי וועט וויילן די קומענדיגע דריי וואכן אויף אפרוה.
כ"ק אדמו"ר מוויזניץ שליט"א קומט היינט אן אויף א באזוך אין לאנדאן בקרב חסידיו, לרגל די מעמד חנוכת הבית פאר די נייע בנין התלמוד תורה ישועות משה דחסידי וויזניץ.
כ"ק אדמו"ר מוויזניץ שליט"א פון לאנדאן וועלכער איז נעכטן אנגעקומען אויף א בליץ באזוך קיין מאנסי אויף ניחום אבלים ביים עלטערן ברודער כ"ק אדמו"ר מוויזניץ שליט"א פון מאנסי, וועט היינט אויפדערנאכט נאכן שמחת פדיון הבן פון א אור אייניקל אין מאנסי, ארויספארן אויפן וועג קיין אנטווערפן, וואו דער רבי וועט וויילן די קומענדיגע וואך בקרב חסידיו.
כ"ק אדמו"ר מסאסוב שליט"א וועלכער איז אנגעקומען צוגאסט קיין ניו יארק לטובת מוסדותיו הקדושים, וועט היינט דורכן טאג אנקומען קיין לעיקוואד, און ארויפגיין לבתי נגידים ושועים לטובת די מוסדות.
כ"ק אדמו"ר מקוידינוב שליט"א פארט היינט ארויס קיין פראנקרייך, וואו דער רבי וועט וויילן די קומענדיגע צוויי וואכן לטובת מוסדותיו הקדושים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
