JDN

היינט קומט פאר די שמחת הבר מצוה פון די עלטסטע אור אייניקל ביי כ"ק אדמו"ר מפאפא שליט"א, א זון פון הרב לייבוש גרינוואלד שליט"א, זון פון בנו הגדול הגה"צ ר' מאיר גרינוואלד שליט"א דומ"ץ פאפא, און איידעם ביי כ"ק אדמו"ר מחוסט שליט"א פון בארא פארק. – די שמחה קומט פאר אין ביהמ"ד הגדול פאפא אין וויליאמסבורג.

היינט געפאלט די יומא דהילולא קדישא פון כ"ק אדמו"ר מזוועהיל זצ"ל בעל אור אברהם, נכדו כ"ק אדמו"ר מזוועהיל שליט"א וועט אפרעכטן די יארצייט טיש און סעודת מלוה מלכה אין ביהמ"ד הגדול זוועהיל אין ירושלים, בנו כ"ק אדמו"ר מזוועהיל ירושלים שליט"א וועט אפרעכטן די יארצייט טיש און סעודת מלוה מלכה בבית מדרשו אויף רחוב שמואל הנביא.

כ"ק אדמו"ר מסאסוב שליט"א לאזט זיך היינט ארויס אויף א נסיעה קיין ניו יארק לטובת מוסדותיו הקדושים.

היינט קומט פאר די יערליכע דינער ליל המחזיקים פאר די סאטמארע מוסדות אין קרית יואל, אין די נייע ביהמ"ד הגדול ד'סאטמאר היכל אלטר יחזקאל, אין שפיץ פון כ"ק אדמו"ר מסאטמאר שליט"א.

היינט קומט פאר די יערליכע דינער און מלוה מלכה לטובת תלמוד תורה בני ציון ד'באבוב, עס קומט פאר אין די נייע הייטנער זאל בבנין הת"ת החדש, אין שפיץ פון כ"ק אדמו"ר מבאבוב שליט"א.

היינט קומט פאר די מעמד משולשת בתורה בחצר הקודש באבוב 45, התחלת כתיבת ספר תורה וואס ווערט געשריבן דורך די בחורי הישיבה במסגרת חברת לומדי תורה, אינאיינעם מיט א סעודת מלוה מלכה פאר די בחורי חמד לקראת די ימי השובבי"ם, עס קומט פאר אין ביהמ"ד הגדול באבוב 45 אין שפיץ פונעם רבי'ן שליט"א.

היינט קומט פאר די יערליכע מלוה מלכה לטובת קהל שארית מנחם ווישיווא אין מאנסי, אינאיינעם מיט די סעודת הילולא לרגל די יומא דהילולא קדישא פון הגה"ק בעל שארית מנחם מווישיווא זי"ע, עס קומט פאר אין ביהמ"ד ווישיווא אין מאנסי.

היינט קומט פאר די יערליכע מלוה מלכה לטובת כולל ראשית דרכו אין ביהמ"ד קהל תורת חיים וויזניץ ירושלים, עס קומט פאר אין ווילחאוויץ זאל אין מאנסי, אין שפיץ פון כ"ק אדמו"ר מוויזניץ שליט"א פון ירושלים.

היינט קומט פאר די מלוה מלכה לטובת ביהמ"ד זידטשויב פרעמיסלא אין מאנסי, אינאיינעם מיט די סיום מסכת עירובין וואס איז געלערנט געווארן אין לויף פון די יארן ביים רבינ'ס שיעור, עס קומט פאר אין ווילחאוויץ זאל אין מאנסי, אין שפיץ פון כ"ק אדמו"ר מזידטשויב פרעמיסלא שליט"א.