כ"ק אדמו"ר מוויזניץ שליט"א לאזט זיך היינט ארויס אויף א באזוך פון א וואך צייט קיין לאס אנדזשעלעס, וואו דער רבי איז ערווארטעט אדורכצוגיין א רייע אונטערזוכונגען אין בעפארברייטונג צו א גרעסערע מעדיצינישע פראצעדור אין די קומענדיגע חדשים.
שמחת בית באבוב 45: היינט קומט פאר די שמחת החתונה פונעם חתן א זון פון הגה"צ ר' פנחס יוסף דאכנער שליט"א, זון פון הגה"צ אבד"ק בערמעהט שליט"א, און איידעם ביי כ"ק אדמו"ר מסטריזוב שליט"א, מיט די כלה א טאכטער פון הגה"צ ר' מאיר יוסף אייכענשטיין שליט"א ראה"כ באבוב 45, זון פון הגה"צ אבד"ק בערטש שליט"א, און איידעם ביי הגה"צ אבד"ק באבוב 45 שליט"א. – די שמחת החתונה קומט פאר אין ביהמ"ד הגדול באבוב 45 אין בארא פארק.
היינט קומט פאר די מעמד חנוכת הבית און הכנסת ספר תורה פאר די נייע בנין התלמוד תורה ישועות משה דחסידי וויזניץ אין לאנדאן, אין שפיץ פון כ"ק אדמו"ר מוויזניץ שליט"א וואס איז צוגאסט די טעג אין לאנדאן.
היינט קומט פאר אן עצרת זכרון אין ביהמ"ד פאפא מאנסי, ככלות השלושים צו די פטירה פון הרב החסיד ר' אייזיק שווארץ ע"ה לאנגיעריגער ראש הקהל דק"ק פאפא מאנסי, מיטן משא העצרת וועט אויפטרעטן הגה"צ ר' פנחס חיים גרינוואלד שליט"א אבד"ק פאפא מאנסי.
היינט קומט פאר די מעמד הנחת אבן הפינה פאר די נייע ביהמ"ד ברכת הנחל דחסידי ברסלב אין מאנסי, אויפן שטח וואו עס ווערט אויפגעבויעט די נייע בנין ביהמ"ד אויף מעין סטריט.
הגה"צ המשפיע ר' שמעון שפיטצער שליט"א וועט היינט אויפטרעטן מיט א שמועס לרגל די ימי השובבי"ם, אין היכל ישיבה גדולה אמרי חיים וויזניץ אין נייעק.
היינט קומט פאר די ערשטמאליגע עקספאו דורך חסידי צאנז קלויזענבורג אין אמעריקע, אין די סטערלינג קאנווענשאן צענטער אין בנין פון ת"ת בעלזא אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
