נאכפאלגענדיג די הסתלקות לשמי מרום פון הגה"צ רבי משה אהרן רייך זצ"ל גאב"ד פשעווארסק וויליאמסבורג, איז נעכטן מאנטאג פארגעקומען די מעמד הכתרה והתמנות פאר זיינע צוויי עלטסטע זיהן וואס ווערן אויפגענומען אלס ממלאי מקומו בקודש בהנהגת הקהילות.
במעמד פון די קינדער ביים ניחום אבלים, אין שטוב פון הגה"צ דער רב זצ"ל אין אנטווערפן, האט הגה"צ ר' חיים יוסף דוד ווייס שליט"א דומ"ץ סאטמאר אנטווערפן ומגדולי רבני העיר, אויפגעטרעטן מיט קורצע דברי הכתרה און דערביי ממנה געווען דעם עלטסטן זון הגה"צ ר' נפתלי אלימלך רייך שליט"א אלס ממלא מקומו אין אנטווערפן, און דער צווייטער זון הגה"צ ר' איציקל רייך שליט"א אלס ממלא מקומו אין וויליאמסבורג.
ווי באקאנט האט דער רב זצ"ל געהאט צוויי בתי מדרשים, אין די תקופה וואס ער האט געוואוינט אין וויליאמסבורג האט ער מייסד געווען בית מדרשו לתורה ולתפילה "קהל בית משה אהרן פשעווארסק", שפעטער ווען ער האט זיך צוריקגעצויגן קיין אנטווערפן האט ער איבערגעגעבן די הנהגת הקהילה פארן צווייטן זון הגה"צ ר' איציקל שליט"א, ווען אין די זעלבע צייט האט ער געעפנט דעם בית המדרש אין אנטווערפן, מיטן הילף פון בנו הגדול הגה"צ ר' נפתלי אלימלך שליט"א. אצינד זענען ביידע זיהן נתמנה געווארן צו איבערנעמען די כתר ההנהגה אין די בתי מדרשים ווי זיי זענען שוין משפיע ביז היינט פאר די מתפללים ולומדים.
