ביי די אהל הק' פון אדמור"י בית חב"ד אין קווינס, איז נעכטן דינסטאג געזעהן געווארן סיקרעט סערוויס אגענטן וואס זענען געקומען באטראכטן דאס פלאץ, אין בעפארברייטונג צו א מעגליכע באזוך פונעם הויכגעשעצטן פרעזידענט דאנאלד טראמפ ירום הודו, וועלכער האט פארשפראכן צו קומען ווידעראמאל מתפלל זיין ביים ציון הק'.
מיט דריי חדשים צוריק בין כסא לעשור, איז דער פרעזידענט געווען אויף א באזוך ביים ציון הק', אין בעפארברייטונג צו די פרעזידענטליכע וואלן, ער האט דאן אויסגעדרוקט זיין ווילן אז אויב ווערט ער ערוועלט אלס פרעזידענט, וועט ער צוריקקומען צום אהל אויף נאך א באזוך.
שטייענדיג ווייניגער ווי פיר און צוואנציג שעה זינט פרעזידענט טראמפ איז געווארן איינגעשוואוירן צו א נייע טערמין, זענען א גרופע אגענטן פון די סיקרעט סערוויס אראפגעקומען צום אהל הק' אין קווינס און באטראכט די גאנצע אומגעגנט, עס איז נישט קלאר צו די צוגרייטונגען ווערט געטון פאר א באזוך פונעם פרעזידענט זעלבסט אדער א אנדערע הויכראנגיגע פיגור, אבער ווי עס שיינט איז עס יא דער פרעזידענט, וועלכער האט אויסגעדרוקט זיין ווילן צוריקצוקומען צום אהל ווי דערמאנט.
