שמחת בית באבוב 45: היינט קומט פאר די שמחת החתונה פון א אייניקל ביי כ"ק אדמו"ר מבאבוב 45 שליט"א, די כלה א טאכטער פון בנו הגדול הגה"צ ר' יוסף אונגער שליט"א, איידעם ביי הגה"צ ר' אליעזר שמעי' לעוו שליט"א נשיא תפארת אליעזר, מיט די חתן א זון פון הרב אלכסנדר שמואל טווערסקי שליט"א, זון פון הגה"צ ר' אהרן דוד טווערסקי שליט"א מהארנסטייפל, און איידעם ביי הגה"צ ר' אלטר ברוך ווידער זצ"ל מלינז, אייניקל פון הרה"ק בעל קדושת ציון מבאבוב זי"ע. – די שמחת החתונה קומט פאר אין ביהמ"ד הגדול באבוב 45 אין בארא פארק.
היינט קומט פאר די שמחת החתונה פונעם עלטסטן אייניקל ביים ראש הישיבה הגאון הגדול רבי שאול אלתר שליט"א, די כלה א טאכטער פון זיין זון הגה"צ ר' אברהם מרדכי אלתר שליט"א, מיט די חתן א זון פון הרב ישראל פנחס גלוזמאן שליט"א. – די שמחת החתונה קומט פאר אין די גוטניק זאל אין ירושלים.
היינט קומט פאר די שמחת החתונה פונעם חתן א זון פון הרב מרדכי ארי' לייפער שליט"א, זון פון כ"ק אדמו"ר מחוסט ארה"ק שליט"א, און איידעם ביי כ"ק אדמו"ר מיעריסלאוו שליט"א, מיט די כלה א טאכטער פון הרב אלעזר אלימלך ווייס שליט"א, זון פון כ"ק אדמו"ר מספינקא שליט"א פון בני ברק, און אייניקל פון הגה"צ ר' שמחה דויטש שליט"א אב"ד טריסק בני ברק. – די שמחת החתונה קומט פאר אין זאל היכלי מלכות אין בני ברק.
היינט קומט פאר די שמחת החתונה פון חתן כלה אור אייניקלעך פון הרה"ק בעל דברי שלמה מבאבוב זצ"ל, די חתן א אייניקל פון זיין איידעם הגה"צ ר' ברוך אברהם הורוויץ שליט"א ראש ישיבת באבוב, א זון פון זיין איידעם הרב ברוך יוסף וואקסמאן שליט"א, מיט די כלה א אייניקל פון זיין איידעם הגה"צ ר' בנציון בלום שליט"א דומ"ץ באבוב לאנדאן, א טאכטער פון זיין איידעם הרב אלעזר אייכענשטיין שליט"א, זון פון הגה"צ ר' יוסף מרדכי אייכענשטיין שליט"א מקיוויאשד. – די שמחת החתונה קומט פאר אין הייטנער זאל אין בארא פארק.
היינט קומט פאר די שמחת התנאים פון א אייניקל ביי כ"ק אדמו"ר מנדבורנא באניא שליט"א, די חתן א זון פון זיין זון הגה"צ ר' שלמה זלמן לייפער שליט"א אב"ד קהל חסידים רמה ד' בית שמש, איידעם ביי הגה"צ אבד"ק סערדאהעלי בית שמש שליט"א, מיט די כלה א טאכטער פון הגה"צ ר' יצחק יוסף בריסק שליט"א, זון פון הגה"צ גאב"ד טשעקא זצ"ל. – די שמחה קומט פאר אין זאל פון ת"ת תפארת מרדכי נדבורנא אין בני ברק.
היינט קומט פאר די שמחת הברית פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א, בן הנולד ביי זיין איידעם הרב לוי יצחק ניישלאס שליט"א, זון פון הגה"צ ר' אלימלך ניישלאס שליט"א, זון פון הגה"צ אבד"ק סערדאהעלי ב"ב שליט"א. – די שמחה קומט פאר אין ביהמ"ד הגדול אין שיכון סקווירא.
היינט נאכט כ' אדר געפאלט די יומא דהילולא קדישא פון כ"ק אדמו"ר מוויזניץ זצ"ל בעל ישועות משה, אין אלע וויזניצע בתי מדרשים וועלן פארקומען יארצייט סעודות און מסיבות מרעים, פילע אידן וועלן ארויפגיין צום ציון הק' אויפן וויזניצע בית החיים אין בני ברק להיפקד בדבר ישועה ורחמים.
בנו כ"ק אדמו"ר מוויזניץ שליט"א וועט אפרעכטן די יארצייט טיש היינט אויפדערנאכט בבית מדרשו אין בני ברק, און מארגן דאנערשטאג ארויפגיין צום ציון הק' בראש קהל חסידיו.
היינט נאכט כ' אדר געפאלט די צוואנציגסטע הילולא קדישא פון כ"ק הגה"ק מקאשוי זצ"ל בעל ברכת שמים, פילע אידן וועלן ארויפגיין צום ציון הק' אויפן בית החיים אין קרית קאשוי בעדפארד היללס להיפקד בדבר ישועה ורחמים, בנו כ"ק אדמו"ר מקאשוי שליט"א וועט אפרעכטן די יארצייט טיש היינט אויפדערנאכט בבית מדרשו אויף ספענסער אין וויליאמסבורג, בנו הצעיר כ"ק אבד"ק קאשוי שליט"א וועט אפרעכטן די יארצייט טיש היינט אויפדערנאכט בבית מדרשו אויף ראסס סטריט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
