היינט נאכט כ"א אדר געפאלט די יומא דהילולא קדישא פונעם הייליגן רבי'ן ר' אלימלך פון ליזענסק זי"ע, צענדליגע טויזענטער אידן פון איבער די גאנצע וועלט קומען אן צום ציון הק' אין שטאט ליזענסק אין פוילין צו פוקד זיין דעם ציון הק' בעצם יומא דהילולא קדישא, צענדליגע אדמורי"ם ורבנים איבער די וועלט וועלן אפרעכטן יארצייט טישן ברוב עם אין די בתי מדרשים.
היינט כ' אדר געפאלט די יומא דהילולא קדישא פון כ"ק אדמו"ר מוויזניץ זצ"ל בעל ישועות משה, אין ביהמ"ד הגדול אין קרית וויזניץ בני ברק וועט פארקומען די צענטראלע יארצייט סעודה מיט די באטייליגונג פון טויזענטער חסידים, אין שפיץ פון הגה"צ ר' חיים מאיר האגער שליט"א אב"ד קרית וויזניץ ב"ב, און הגה"צ ר' מנחם ארנסטר שליט"א ראש ישיבת וויזניץ חתנא דבי נשיאה.
היינט כ' אדר געפאלט די צוואנציגסטע הילולא קדישא פון כ"ק הגה"ק מקאשוי זצ"ל בעל ברכת שמים, פילע אידן אין שפיץ פון די קינדער האדמורי"ם והרבנים וועלן ארויפגיין צום ציון הק' אויפן בית החיים אין קרית קאשוי בעדפארד היללס להיפקד בדבר ישועה ורחמים, שפעטער פארנאכטס וועט פארקומען די צענטראלע יארצייט סעודה און סיום הש"ס אין ביהמ"ד הגדול אין קרית קאשוי.
היינט קומט פאר די מעמד קבלת פנים לכבודו פון כ"ק אדמו"ר מאלכסנדר שליט"א, וועלכער איז אנגעקומען אויף א געהויבענע באזוך אין ניו יארק צו באשיינען די מעמד חנוכת הבית פאר די נייע ביהמ"ד בית החסידים אמרי מנחם אלכסנדר אין בארא פארק, עס קומט פאר אינאיינעם מיט די מעמד קביעת מזוזה פאר די נייע בית המדרש.
כ"ק אדמו"ר מנדבורנא שליט"א פארט היינט ארויס אויפן וועג קיין פוילין צו פוקד זיין דעם ציון הק' פונעם הייליגן רבי'ן ר' אלימלך פון ליזענסק זי"ע, בעצם יומא דהילולא קדישא.
כ"ק אדמו"ר מביאלא בני ברק שליט"א לאזט זיך היינט ארויס אויף א נסיעה קיין פוילין, לרגל די יומא דהילולא קדישא פונעם הייליגן רבי'ן ר' אלימלך פון ליזענסק זי"ע, שבת קודש וועט דער רבי וויילן אין שטאט פשיסחא, און מוצאי שבת וועט פארקומען א מעמד הכנסת ספר תורה צום ביאלא הויף אין פשיסחא.
היינט קומט פאר די מעמד "בריש גלי" אין ביהמ"ד הגדול אין שיכון סקווירא, סיום ספר הק' דגל מחנה אפרים והתחלת ספר הק' נועם אלימלך, בליל ההילולא קדישא פונעם הייליגן רבי'ן ר' אלימלך זי"ע, עס קומט פאר אין שפיץ פון די קינדער פון כ"ק אדמו"ר מסקווירא שליט"א, וואו דעם רבינ'ס זון הגה"צ ר' חיים מאיר טווערסקי שליט"א וועט אויפטרעטן מיט א שמועס און איבערגעבן ברכת הקודש פונעם רבי'ן.
היינט קומט פאר די דינער "די גאלדענע קייט" לטובת מוסדות וויזניץ אין בית שמש, אינעם גרויסן היכל האירועים ממילא אין שטאט אשדוד.
היינט קומט פאר די שמחת החתונה פונעם חתן א זון פון כ"ק אדמו"ר מתולעת יעקב שליט"א, איידעם ביי כ"ק אדמו"ר מהאדאס שליט"א, מיט די כלה א טאכטער פון הגה"צ ר' חיים דוד מערץ שליט"א, זון פון כ"ק אדמו"ר מתפארת יחזקאל שליט"א, און איידעם ביי הגה"צ ר' אפרים צבי שמילאוויטש שליט"א אב"ד קרעמניץ. – די שמחת החתונה קומט פאר אין זאל פרדס פיגא אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
