היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד תולדות יעקב יוסף דחסידי סקווירא אויף די זיבעצענטע עוועניו אין בארא פארק, געשריבן דורך די חברי הקהילה און מתפללי ביהמ"ד, אין שפיץ פונעם דיין הקהילה הגה"צ ר' יחיאל מיכל שטיינמעטץ שליט"א בעמח"ס משיב נבונים.

היינט קומט פאר די מעמד הכנסת ספר תורה וואס ווערט אריינגעגעבן צום ביטשקובער בית המדרש, געשריבן דורך כ"ק אדמו"ר מביטשקוב שליט"א וכלל חסידיו, לע"נ דעם רבינ'ס טאכטער וואס איז נפטר געווארן פארלאפענע יאר, די סעודה לגומרה של תורה קומט פאר אין די פראכטפולע זאל גן האירועים בלאגיו אין בת ים, אינאיינעם מיט די מעמד קשר של אהבה אוועקצושטעלן די נייע ביטשקובער הויף אין בני ברק.

לקראת די יומא דהילולא קדישא פון כ"ק אדמו"ר מוויזניץ זצ"ל בעל תורת מרדכי, וועלן די קינדער כ"ק האדמורי"ם מוויזניץ שליט"א פון קייאמישע און וויליאמסבורג, אנקומען היינט קיין מאנסי אינאיינעם מיט די חסידים, צו פוקד זיין דעם ציון הק' להיפקד בדבר ישועה ורחמים.

היינט נאכט כ"ח אדר געפאלט די פיפטע יארצייט פון הגה"צ ר' יוסף אשר אנשיל לעמבערגער זצ"ל אבד"ק מאקאווא אלעד, בבית מדרשו קהל אהל משה מאקאווא אין אלעד קומט פאר א יארצייט סעודה אין שפיץ פון אחיו הגדול כ"ק הגה"צ גאב"ד מאקאווא שליט"א, און שפעטער ביינאכט וועט פארקומען די מעמד עלי' לציון אויפן בית החיים אין קרית אתא.

היינט קומט פאר א גרויסע מעמד "מתאחדת" פאר כלל חסידי סקווירא אין מאנסי, לאור קריאת הקודש פונעם רבי'ן אז אלע חסידים אין יעדע שטאט זאלן זיך צוזאמקומען אויף כינוסי חיזוק, די מעמד קומט פאר אין ווילחאוויץ זאל אין מאנסי, אין שפיץ פונעם רבינ'ס זון הגה"צ ר' אהרן מענדיל טווערסקי שליט"א.

היינט קומט פאר א כינוס הכנה לתורה פאר כלל בחורי וויען, אין בעפארברייטונג צו די געהויבענע מעמד הכנסת ספר תורה בחצר הקודש וויען וואס קומט פאר דעם זונטאג, די מעמד קומט פאר אין היכל ישיבה גדולה נחלת יעקב וויען אין ברוקלין.

הגה"צ המשפיע ר' שמעון שפיטצער שליט"א וועלכער איז צוגאסט די טעג אין לאנדאן בקרב חסידיו ומעריציו, וועט היינט אויפדערנאכט אויפטרעטן מיט א צענטראלע דרשה פאר די נשות העיר אין זאל פון יסודי התורה, אראנדזשירט דורך די הנהלה פון התאחדות קהילות החרדים אין לאנדאן.

היינט קומט פאר די שמחת השבע ברכות פון א אייניקל ביי הגה"צ ר' מאיר הייזלער שליט"א ראש ישיבת קאוונא, די חתן א זון פון זיין זון הרב יעקב הייזלער שליט"א, מיט די כלה א טאכטער פון הנגיד החסיד ר' יצחק אייזיק דייטש הי"ו ראה"ק באבוב 45. – די שמחת השבע ברכות קומט פאר אין פרדס זמר זאל אין בארא פארק, געאייגענט פאר די פילע תלמידים ויוצאי ישיבת קאוונא בארה"ק, אינאיינעם מיט די מעמד חגיגת סיום הזמן.

אריינצושיקן מודעות און נייעס, שיקט אן אימעיל צו NEWS@JDNMAIL.COM