היינט קומט פאר די גרויסע מעמד "עשר עטרות" בחצר הקודש בעלזא, אפצוצייכענען גאנצע 45 יאר זינט התייסדות קהל מחזיקי הדת בעלזא און די בית דין צדק, די מעמד קומט פאר אין די גיגאנטישע זאלן אין די בניני האומה אין ירושלים, אין שפיץ פון כ"ק אדמו"ר מבעלזא שליט"א.

היינט קומט פאר די גרויסע מעמד הכנסת ספר תורה בחצר הקודש וויען, פאר די ספר תורה וואס איז געשריבן געווארן דורך כלל תלמידי וחסידי וויען, לכבודו ולזכותו פון כ"ק אדמו"ר מוויען שליט"א, די תהלוכה גייט ארויס מביתו נאוה קודש פון כ"ק אדמו"ר מוויען שליט"א, און עס וועט ווערט אריינגעפירט צום היכל ביהמ"ד הגדול, די סעודה לגומרה של תורה וועט פארקומען אין די נייע הערליכע זאל בבנין החדש בית יעקב.

היינט קומט פאר די גרויסע מעמד חנוכת הבית און הכנסת ספר תורה בחצר הקודש וויזניץ אין בארא פארק, חנוכת הבית פאר די נייע בנין ישיבה קטנה אמרי חיים וויזניץ בנין לעבאוויטש, אינאיינעם מיט די מעמד הכנסת ספר תורה וואס ווערט אריינגעגעבן צום היכל הישיבה, נדבת הנגיד החסיד ר' בנציון לעבאוויטש הי"ו פטרון בנין הישיבה, לע"נ אביו הרב החסיד ר' יחיאל לעבאוויטש ע"ה מוותיקי העסקנים בחצר הקודש וויזניץ. די מעמד הייבט זיך אן מיט א ספעציעלע מעמד פאר די ילדי הת"ת אין שפיץ פונעם רבי'ן שליט"א, די סיום כתיבת האותיות וועט פארקומען אין זאל סעוויל מענאר, און דערנאך וועט די ספר תורה ווערן אריינגעפירט בתופים ובמחולות צום נייעם בנין הישיבה אויף די זעכציגסטע סטריט. די סעודה לגומרה של תורה און חגיגת חנוכת הבית וועט פארקומען אין די זאלן פון עטרת גאלדא, אין שפיץ פון כ"ק אדמו"ר מוויזניץ שליט"א פון בארא פארק.

היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול ראחמיסטריווקא אין בארא פארק, נדבת הרב החסיד ר' יוחנן צעהנווירטה הי"ו, אין שפיץ פון כ"ק אדמו"ר מראחמיסטריווקא שליט"א.

היינט קומט פאר די מעמד חנוכת הבית פאר די נייע ביהמ"ד עמודי דגירסא ריבניצא אין וויליאמסבורג, אינאיינעם מיט די שמחת השבע ברכות פון די כלה א טאכטער ביי הרה"ג ר' שלום לאנדא שליט"א ראש ישיבת עמודי דגירסא, מיט די חתן א אייניקל פון כ"ק אדמו"ר מדזירקא שליט"א, און הגה"צ אבד"ק חאמעלניק מאנסי שליט"א.

כ"ק אדמו"ר מבאבוב שליט"א וועט היינט פארמיטאג נאכן דאווענען אפרעכטן שולחנו הטהור לכבוד ראש חודש.

כ"ק אדמו"ר מבאבוב 45 שליט"א וועט היינט פארמיטאג נאכן דאווענען אפרעכטן שולחנו הטהור לכבוד ראש חודש.

כ"ק אדמו"ר מטאהש שליט"א וועט היינט ראש חודש ניסן אפרעכטן שולחנו הטהור לכבוד ראש חודש, אינאיינעם מיט די תלמידי הישיבות הקדושות דחסידי טאהש.

אריינצושיקן מודעות און נייעס, שיקט אן אימעיל צו NEWS@JDNMAIL.COM