די היימישע אידנטום אינעם עיר התורה לעיקוואד איז אויפגעקאכט ווי א קעסל, נאך וואס די ארטיגע פאליציי האט ארעסטירט א תורה'דיגער אינגערמאן מחשובי לומדי בית מדרש גבוה, אויף א אנגעבליכן בלבול דורך א פופצן יעריגער פארשוין, און אויף א בארבארישע פארנעם ערלויבן זיי נישט קיין שום פארהאנדלונגען דורך אדוואקאטן, אין די צייט וואס די גדולי ראשי הישיבות גייען ארויס מוחה זיין פארנט פון די פאליציי סטאנציע אויף די בארבארישע אקט.
הרב בנימין קובאני שליט"א וועלכער איז פון די חשובע לומדים אין ישיבה בית מדרש גבוה, איז געווען פארנומען פארלאפענעם דאנערשטאג צו רייניגן זיין קאר, ווען ער האט געבעטן הילף פון א פופצן יעריגער ארבעטער זאל אים ארויסהעלפן פאר באצאלט. צו זיין שטוינונג אבער איז דער פארשוין געגאנגען צו די פאליציי און אויפגעטראכט א בלבול, ווי גלייך אז דער אינגערמאן זאל אים האבן אנגעבאטן אומלעגאלע אקטיוויטעטן.
די ארטיגע פאליציי האט באלד ארעסטירט ר' בנימין, אן געבן א געלעגנהייט צו זאגן וואס ער האט צו זאגן, און זיך פארטיידיגן מיט אן אדוואקאט ווי די געזעץ פארלאנגט. זעענדיג אז די פאליציי זענען פאר'עקשנ'ט דערויף האבן די גדולי ראשי הישיבות פון לעיקוואד פאררופן א גרויסע הפגנה נעכטן מוצאי שבת פארנט פון די פאליציי סטאנציע, צו פאדערן פון די באאמטע אויף א באלדיגע באפרייאונג פון ר' בנימין.
היינט זונטאג קומט ווייטער פאר העפטיגע הפגנות דורך די טויזענטער אינגעלייט און בחורים פון בית מדרש גבוה, אין שפיץ פון מרנן ורבנן ראשי הישיבות שליט"א, מיטן האפענונג אז די געשיכטע זאל וואס שנעלער קומען צו א פרייליכע ענדע.
