שמחת בית סאטמאר – דושינסקיא: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' דוד דוב דושינסקיא שליט"א רב ביהמ"ד אהל פיגא אין קרית יואל, זון פון כ"ק אדמו"ר מדושינסקיא שליט"א, מיט די כלה א טאכטער פון הגה"צ ר' יחזקאל דוד זינגער שליט"א, זון פון הגה"צ ר' שמואל צבי זינגער שליט"א מאלכסנדר, און איידעם ביי הגה"צ ר' יקותיאל טייטלבוים שליט"א, אור אייניקל פון כ"ק אדמו"ר מטשענסקאוויץ פאקשעוויץ שליט"א.
היינט קומט פאר די שמחת הברית פון א אייניקל ביי כ"ק אדמו"ר מוויזניץ שליט"א פון מאנסי, בן הנולד ביי זיין איידעם הגה"צ ר' יצחק יוחנן ראטטענבערג שליט"א, זון פון כ"ק אדמו"ר מקאסאני שליט"א. – די שמחה קומט פאר אין ביהמ"ד בית הלוי קאסאני אין בארא פארק.
היינט קומט פאר די מעמד הכנסת ספר תורה בחצר הקודש באבוב, נדבת משפחת רובין שיחי' לע"נ הנגיד החסיד ר' לייבל רובין ע"ה מגדולי תומכי מוסדות באבוב, די ריקודין של שמחה לכבוד התורה וועט פארקומען אין די הייטנער זאל אין די נייע בנין הת"ת בנין לייבל רובין, אין שפיץ פון כ"ק אדמו"ר מבאבוב שליט"א.
היינט נאכט עשרה בטבת געפאלט די יומא דהילולא קדישא פון כ"ק אדמו"ר בעל אמונת אברהם מפיטסבורג זצ"ל, נכדו כ"ק אדמו"ר מפיטסבורג שליט"א וועט אפרעכטן די יארצייט טיש היינט אויפדערנאכט אין ביהמ"ד פיטסבורג אין אשדוד, און מארגן דינסטאג ארויפגיין צום ציון הק' אויפן הר המנוחות.
כ"ק אדמו"ר מפינסק קארלין שליט"א קומט היינט אן צוגאסט קיין ניו יארק, וואו דער רבי וועט זיך אויפהאלטן די קומענדיגע צוויי וואכן לטובת מוסדותיו הקדושים. דער רבי וועט אנקומען היינט צופרי קיין וויליאמסבורג, און וויילן דארט ביז ערב שבת קודש.
כ"ק אדמו"ר מלעלוב שליט"א לאזט זיך היינט ארויס אויפן וועג קיין ארץ ישראל, לקראת די יומא דהילולא קדישא פון אביו כ"ק אדמו"ר הרה"ק רבי אלטר אלעזר מנחם מלעלוב זצ"ל וואס געפאלט קומענדיגן שבת קודש י"ד טבת.
אריינצושיקן מודעות און נייעס, שיקט אן אימעיל צו NEWS@JDNMAIL.COM
