היינט י"ב אדר געפאלט די יומא דהילולא קדישא פון כ"ק אדמו"ר הרה"ק מבאבוב זי"ע, פילע אידן גייען ארויף צום ציון הק' אויפן באבובער בית החיים אין ניו דזשערזי להיפקד בדבר ישועה ורחמים.
אחיו כ"ק אדמו"ר מבאבוב שליט"א וועט ארויפגיין צום ציון הק' בראש קהל חסידיו עלף אזייגער פארמיטאג.
חתנו כ"ק אדמו"ר מבאבוב 45 שליט"א וועט ארויפגיין צום ציון הק' בראש קהל חסידיו האלב נאך צוויי נאכמיטאג.
היינט נאכט י"ג אדר געפאלט די צענטע הילולא קדישא פון הגה"ק גאב"ד ערלוי זצ"ל בעל אמרי סופר, בנו ממלא מקומו כ"ק אדמו"ר מערלוי שליט"א וועט אפרעכטן די יארצייט טיש היינט אויפדערנאכט בהיכל ביהמ"ד הגדול ערלוי אין די קטמון געגנט אין ירושלים.
היינט קומט פאר די שמחת הברית פון א אור אייניקל ביי כ"ק אדמו"ר מוויזניץ שליט"א פון מאנסי, אייניקל פון זיין זון הגה"צ ר' דוד דוב האגער שליט"א, בן הנולד ביי זיין איידעם הרב יעקב יוסף האגער שליט"א, זון פון הגה"צ ר' חיים מאיר האגער שליט"א, בנו הגדול פון כ"ק אדמו"ר מוויזניץ שליט"א פון קייאמישע, און איידעם ביי הגה"צ אבד"ק ראחמיסטריווקא מאנסי שליט"א. – די שמחה קומט פאר אין וויזניצע בית המדרש אין מאנסי.
היינט קומט פאר די שמחת פדיון הבן פון א אייניקל ביי כ"ק אדמו"ר מקאליש שליט"א, בן הנולד ביי זיין איידעם הרב חנני' יו"ט ליפא טייטלבוים שליט"א, זון פון הרב יחזקאל שרגא טייטלבוים שליט"א, זון פון הגה"צ אבד"ק נירבאטור שליט"א, און איידעם ביי הגה"צ אבד"ק סאלקא שליט"א. – די שמחה קומט פאר אין זאל עטרת צבי אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
