שמחת בית סקולען: היינט קומט פאר די שמחת השבע ברכות פונעם חתן א זון פון כ"ק אדמו"ר מסקולען שליט"א פון וויליאמסבורג, מיט די כלה א טאכטער פון הגה"צ ר' יעקב יוסף גאלדמאן שליט"א דומ"ץ ביהמ"ד סקווירא אויף ראמען אין מאנסי, זון פון הגה"צ ר' שמואל גאלדמאן שליט"א מזוועהיל, און איידעם ביי הגה"צ ר' יוחנן וואזנער שליט"א ראב"ד סקווירא. – די שמחת השבע ברכות קומט פאר אין ביהמ"ד מאור ישראל סקולען אין וויליאמסבורג.
שמחת בית סקווירא: היינט קומט פאר די שמחת השבע ברכות פון חתן כלה אור אייניקלעך ביי כ"ק אדמו"ר מסקווירא שליט"א, אייניקלעך פון בנו הגדול הגה"צ ר' אהרן מענדיל טווערסקי שליט"א, די חתן א זון פון זיין איידעם הרב לייבוש טייטלבוים שליט"א, מיט די כלה א טאכטער פון זיין זון הרב יצחק טווערסקי שליט"א מנהל ישיבה קטנה תולדות יעקב יוסף סקווירא מאנטיסעלא. – די שמחת השבע ברכות קומט פאר אין די נאכמיטאג שעה'ן בביתו נאוה קודש פונעם סקווירא רבי'ן, אינאיינעם מיט די יארצייט סעודה פון הרבנית הצדיקת מסקווירא ע"ה, מחברתו הטהורה פונעם רבי'ן שליט"א, וואס געפאלט אויס היינט ט' אדר. שפעטער ביינאכט קומט פאר די שמחת השבע ברכות אין די געלבמאן זאל אין שיכון סקווירא, צוגעשטעלט דורך ישיבה קטנה דחסידי סקווירא אין מאנטיסעלא.
שמחת בית פשעווארסק – דעעש – קאסאני: עס איז געשלאסן געווארן די שידוך פון א אור אייניקל ביי כ"ק אדמו"ר מפשעווארסק שליט"א, אייניקל פון זיין איידעם הגה"צ ר' משה שמואל ראטטענבערג שליט"א אבד"ק קאסאני וומס"ב, די כלה א טאכטער פון זיין זון הרב נפתלי יחיאל מיכל ראטטענבערג שליט"א, איידעם ביי כ"ק אדמו"ר מדעעש קרית יואל שליט"א, מיט די חתן א זון פון הרב מרדכי בעריש מערמלשטיין שליט"א, זון פון הגה"צ ר' יהוסף אלעזר מערמלשטיין שליט"א מדעלאטין.
עס איז געשלאסן געווארן די שידוך פונעם חתן א זון פון הגה"צ ר' יוסף מאיר פעלדמאן שליט"א, זון פון הגה"צ ר' זאב פעלדמאן שליט"א רב דקהל תורה עץ חיים אין לאנדאן, און איידעם ביי הגה"צ ר' מרדכי אויערבאך שליט"א אבד"ק אביר יעקב תל אביב, מיט די כלה א טאכטער פון הגה"צ ר' מנחם שלמה בורנשטיין שליט"א, זון פון כ"ק אדמו"ר מסוכוטשוב שליט"א, און איידעם ביי כ"ק אדמו"ר מטריסק שליט"א פון ירושלים.
היינט קומט פאר די שמחת הבר מצוה פון א זון ביי הגה"צ ר' חיים מאיר האגער שליט"א, זון פון הגה"צ בעל אור שלום מוויזניץ זצ"ל, און איידעם ביי הגה"צ אבד"ק אוהעל מאנסי שליט"א. – די שמחה קומט פאר אין וויזניצע בית המדרש אין מאנסי.
היינט קומט פאר א כינוס "הרימותי בחור" פאר כלל בחורי באבוב 45 בארה"ק, אין שפיץ פון הגה"צ ר' יוסף אונגער שליט"א בנו הגדול פון כ"ק אדמו"ר מבאבוב 45 שליט"א וואס איז אנגעקומען צוגאסט קיין ארץ ישראל בשליחות הקודש לקראת די הילולא קדישא פון זקינו כ"ק אדמו"ר מבאבוב זצ"ל, די מעמד קומט פאר אין זאל פון ת"ת סאטמאר אויף רחוב עזרת תורה אין ירושלים, נאכגעפאלגט מיט א תפילת רבים ביים שריד בית מקדשינו דער כותל המערבי.
היינט קומט פאר אן עצרת הספד נאך די הסתלקות פון הגאון הגדול רבי אליקים שלעזינגער זצ"ל ראש ישיבת הרמה לאנדאן, בהיכל ישיבת מרן הגרמ"ד הלוי מבריסק אויף רחוב גראסבערג אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
