שמחת בית פשעווארסק – קאסאן: היינט קומט פאר די שמחת החתונה פונעם חתן א זון פון הגה"צ ר' מאיר יהוסף קלוגהופט שליט"א, זון פון הגה"צ ר' אפרים מרדכי קלוגהופט שליט"א מסטרעליסק, און איידעם ביי הגה"צ ר' משה שמואל ראטטענבערג שליט"א אבד"ק קאסאני וומס"ב, איידעם ביי כ"ק אדמו"ר מפשעווארסק שליט"א, מיט די כלה א טאכטער פון הגה"צ ר' משה שמואל ראטטענבערג שליט"א, זון פון כ"ק אדמו"ר מקאסאן לעיקוואד שליט"א, און איידעם ביי הגה"צ ר' משה יוסף אונגער שליט"א אבד"ק ווייטצען שיקאגא. – די שמחת החתונה קומט פאר אין לעיקוואד.

היינט קומט פאר די שמחת הבר מצוה פון א אייניקל ביי כ"ק אדמו"ר ממעליץ שליט"א, א זון פון זיין זון הגה"צ ר' שלום מאסקאוויטש שליט"א, איידעם ביי כ"ק אדמו"ר מדעעש שליט"א. – די שמחה קומט פאר אין ביהמ"ד מעליץ אין אשדוד.

היינט קומט פאר די שמחת הברית פון א אור אייניקל ביי כ"ק אדמו"ר מקאלוב שליט"א, אייניקל פון זיין איידעם הגה"צ ר' יעקב מאסקאוויטש שליט"א אבד"ק וראש ישיבת תורת חמד נייטרא וומס"ב, זון פון הגה"צ ר' יצחק אלעזר מאסקאוויטש שליט"א אדמו"ר משאץ, בן הנולד ביי זיין זון הרב ישכר דוב מאסקאוויטש שליט"א, איידעם ביי הגה"צ ר' דוד טווערסקי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחה קומט פאר בהיכל ישיבת תורת חמד נייטרא אין וומס"ב, אין שפיץ פון די זיידעס כ"ק האדמורי"ם שליט"א.

שמחת בית קאמארנא: היינט קומט פאר די שמחת השבע ברכות פונעם חתן א זון פון הגה"צ ר' משה שנעעבאלג שליט"א, זון פון הגה"צ אבד"ק עדזשווער שליט"א, און איידעם ביי הגה"צ ר' מאיר בראנדסדארפער זצ"ל בעל קנה בושם וחבר ביד"ץ העדה החרדית, מיט די כלה א טאכטער פון הגה"צ ר' יהודה ארי' אשכנזי שליט"א, זון פון הגה"צ ר' יהושע אשכנזי שליט"א ראש כולל רב אחא, און איידעם ביי הגה"צ אבד"ק סערדאהעלי ב"ב שליט"א, עלטסטע אור אייניקל פון כ"ק אדמו"ר מקאמארנא שליט"א. – די שמחת השבע ברכות קומט פאר אין ביהמ"ד קאמארנא אויף רחוב ארזי הבירה אין ירושלים.

שמחת בית אמשינאוו: היינט קומט פאר די שמחת השבע ברכות פון די כלה א טאכטער ביי כ"ק אדמו"ר מאמשינאוו ארה"ב שליט"א, איידעם ביי כ"ק אדמו"ר מזוטשקא זצ"ל, מיט די חתן א זון פון הגה"צ ר' מאיר ישראל בראנדוויין שליט"א, זון פון כ"ק אדמו"ר מסטרעטין שליט"א, און איידעם ביי הגה"צ ר' קלמן יהושע באב"ד שליט"א אבד"ק דראהביטש, איידעם ביי הגה"צ ר' ירמי' טייטלבוים שליט"א. – די שמחת השבע ברכות קומט פאר אין זאל פון קהל ניישטאט אין לעיקוואד.

שמחת בית בלאזוב ריבאטיטש: היינט קומט פאר די שמחת השבע ברכות פון די כלה א טאכטער ביי כ"ק אדמו"ר מבלאזוב ריבאטיטש שליט"א, איידעם ביי הרה"ג ר' שאול קנאבלאך שליט"א ר"ם במתיבתא עץ חיים ד'באבוב, מיט די חתן א זון פון הרב נטע פריעדמאן שליט"א, זון פון הגה"צ ר' שמעלקא פריעדמאן שליט"א דומ"ץ התאחדות הרבנים, און איידעם ביי הגה"צ ר' ברוך חנה גרינפעלד שליט"א רו"ם באבוב 45 אין לאנדאן. – די שמחת השבע ברכות קומט פאר אין די נייע זאל פון ת"ת סקווירא אין לעיקוואד, צוגעשטעלט דורך ק"ק בלאזוב ריבאטיטש.

היינט קומט פאר די שמחת השבע ברכות פונעם חתן א זון פון כ"ק אדמו"ר מסקולען שליט"א פון וויליאמסבורג, מיט די כלה א טאכטער פון הגה"צ ר' יעקב יוסף גאלדמאן שליט"א דומ"ץ ביהמ"ד סקווירא אויף ראמען אין מאנסי, זון פון הגה"צ ר' שמואל גאלדמאן שליט"א מזוועהיל, און איידעם ביי הגה"צ ר' יוחנן וואזנער שליט"א ראב"ד סקווירא. – די שמחת השבע ברכות קומט פאר אין סקווירא בית המדרש אויף ראמען אין מאנסי.

שמחת בית פארשעי - מאשלוי - קאלוב: עס איז געשלאסן געווארן די שידוך פון א אייניקל ביי כ"ק אדמו"ר מפארשעי שליט"א, די חתן א זון פון זיין איידעם הגה"צ ר' העניך שנעעבאלג שליט"א, זון פון הגה"צ אבד"ק מיקאלייעוו שליט"א, מיט די כלה א טאכטער פון כ"ק אדמו"ר ממאשלוי שליט"א, איידעם ביי כ"ק אדמו"ר מקאלוב שליט"א.

שמחת בית קארלין סטאלין: עס איז געשלאסן געווארן די שידוך פון א אייניקל ביי כ"ק אדמו"ר מקארלין סטאלין שליט"א, די חתן א זון פון הגה"צ ר' משה וויליגער שליט"א, זון פון הגה"צ ר' לייבל וויליגער שליט"א ר"ם במתיבתא תורה ודעת, מיט די כלה א טאכטער פון הגה"צ ר' אברהם יהושע העשיל גאלדמאן שליט"א, זון פון הגה"צ אבד"ק זוועהיל ב"ב שליט"א, און איידעם ביי הגה"צ ר' שמואל לוריא שליט"א דומ"ץ וויזניץ אנטווערפן.

עס איז געשלאסן געווארן די שידוך פונעם חתן א זון פון הגה"צ ר' משה יצחק כהנא שליט"א, זון פון הגה"צ ר' יעקב כהנא שליט"א אדמו"ר מספינקא מאנטשעסטער, און איידעם ביי הגה"צ ר' דוד שווימער שליט"א דומ"ץ וויזניץ בית שמש, מיט די כלה א טאכטער פון כ"ק אדמו"ר משאץ אנטווערפן שליט"א, איידעם ביי הגה"צ ר' יהודה אליעזר יונגער שליט"א אב"ד קהל יראים מאנסי.

היינט קומט פאר די יערליכע דינער לטובת מוסדות באבוב 45 אין יוניאן, אין זאל פון בית אסתר, אין שפיץ פון כ"ק אדמו"ר מבאבוב 45 שליט"א.

כ"ק אדמו"ר מקרעטשניף י"ם שליט"א וועלכער האט זיך אויפגעהאלטן די לעצטע וואך צייט אין ניו יארק לרגל די שמחת החתונה פון א אייניקל, קערט זיך היינט צוריק למעון קדשו אין ירושלים עיה"ק.

כ"ק אדמו"ר מתולדות יהודה סטוטשין שליט"א וועט היינט אנקומען קיין מאנסי און אויפטרעטן מיט א שמועס לקראת די ימי הפורים, בבית מדרשו אין שטאט.

 אריינצושיקן מודעות און נייעס, שיקט אן אימעיל צו NEWS@JDNMAIL.COM