שמחת בית סקולען: היינט קומט פאר די שמחת החתונה פונעם חתן א זון פון כ"ק אדמו"ר מסקולען שליט"א פון וויליאמסבורג, מיט די כלה א טאכטער פון הגה"צ ר' יעקב יוסף גאלדמאן שליט"א דומ"ץ ביהמ"ד סקווירא אויף ראמען אין מאנסי, זון פון הגה"צ ר' שמואל גאלדמאן שליט"א מזוועהיל, און איידעם ביי הגה"צ ר' יוחנן וואזנער שליט"א ראב"ד סקווירא. – די שמחת החתונה קומט פאר אין זאל עטרת חי' שרה אין מאנסי.
שמחת בית בלאזוב ריבאטיטש: היינט קומט פאר די שמחת החתונה פון די כלה א טאכטער ביי כ"ק אדמו"ר מבלאזוב ריבאטיטש שליט"א, איידעם ביי הרה"ג ר' שאול קנאבלאך שליט"א ר"ם במתיבתא עץ חיים ד'באבוב, מיט די חתן א זון פון הרב נטע פריעדמאן שליט"א, זון פון הגה"צ ר' שמעלקא פריעדמאן שליט"א דומ"ץ התאחדות הרבנים, און איידעם ביי הגה"צ ר' ברוך חנה גרינפעלד שליט"א רו"ם באבוב 45 אין לאנדאן. – די שמחת החתונה קומט פאר אין זאל אור החיים וויזניץ אין בארא פארק.
היינט קומט פאר די שמחת החתונה פונעם חתן א זון פון הגה"צ ר' ישראל ישכר ראבינאוויטש שליט"א, זון פון כ"ק אדמו"ר מביאלא לאנדאן שליט"א, און איידעם ביי הגה"צ אבד"ק סקולען ב"ב שליט"א, מיט די כלה א טאכטער פון הגה"צ ר' חיים מאיר ארנסטר שליט"א, זון פון הגה"צ ר' אליעזר ארנסטר שליט"א אבד"ק מאור חיים צפת, און איידעם ביי כ"ק אדמו"ר מזוועהיל זצ"ל. – די שמחת החתונה קומט פאר אין זאל היכלי מלכות אין בני ברק.
שמחת בית סקווירא: היינט קומט פאר די שמחת החתן מאהל פון חתן כלה אור אייניקלעך ביי כ"ק אדמו"ר מסקווירא שליט"א, אייניקלעך פון בנו הגדול הגה"צ ר' אהרן מענדיל טווערסקי שליט"א, די חתן א זון פון זיין איידעם הרב לייבוש טייטלבוים שליט"א, זון פון הגה"צ אבד"ק בית אהרן שליט"א, מיט די כלה א טאכטער פון זיין זון הרב יצחק טווערסקי שליט"א מנהל ישיבה קטנה תולדות יעקב יוסף סקווירא מאנטיסעלא, איידעם ביי כ"ק אדמו"ר מביקסאד שליט"א. – די שמחת החתן מאהל קומט פאר אין ביהמ"ד הגדול אין שיכון סקווירא.
שמחת בית קרעטשניף – דזיקוב וויזניץ – מעליץ – דעעש: היינט קומט פאר די שמחת התנאים פון א אייניקל ביי כ"ק אדמו"ר מקרעטשניף שליט"א, די חתן א זון פון בנו הגדול הגה"צ ר' דוד משה ראזענבוים שליט"א אב"ד קרעטשניף רחובות, איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' שלום מאסקאוויטש שליט"א, זון פון כ"ק אדמו"ר ממעליץ שליט"א פון אשדוד, און איידעם ביי כ"ק אדמו"ר מדעעש שליט"א. – די שמחה קומט פאר אין ביהמ"ד הגדול אין קרית קרעטשניף רחובות.
שמחת בית קרעטשניף סיגעט – נדבורנא לינסק: היינט קומט פאר די שמחת השבע ברכות פונעם חתן א זון פון כ"ק אדמו"ר מקרעטשניף סיגעט וומס"ב שליט"א, איידעם ביי הגה"צ ר' מאיר שנעעבאלג שליט"א אב"ד האניפאלי, מיט די כלה א טאכטער פון הגה"צ ר' איתמר ראזענבוים שליט"א, זון פון כ"ק אדמו"ר מנדבורנא לינסק שליט"א, און איידעם ביי הגה"צ אב"ד נאפקור שליט"א. – די שמחת השבע ברכות קומט פאר אין דעקאריום זאל אין וויליאמסבורג, צוגעשטעלט דורכ'ן זיידן כ"ק אדמו"ר מנדבורנא לינסק שליט"א.
שמחת בית ספינקא: עס איז געשלאסן געווארן די שידוך פון א אייניקל ביי כ"ק אדמו"ר מבית יצחק ספינקא שליט"א, די חתן א זון פון זיין איידעם הגה"צ ר' עקיבא יוסף כהנא שליט"א, זון פון הגה"צ ר' אלימלך כהנא זצ"ל מספינקא, מיט די כלה א טאכטער פון הגה"צ ר' משה יואל טייטלבוים שליט"א, זון פון הגה"צ ר' הערשל טייטלבוים שליט"א מהוסאקוב, און איידעם ביי הגה"צ ר' שלום יעקב ישראל ישורון כהנא שליט"א אדמו"ר מספינקא מאנטשעסטער.
היינט ה' אדר געפאלט די יומא דהילולא קדישא פון כ"ק אדמו"ר הרה"ק רבי מרדכי שלמה מבאיאן זצ"ל, נכדו כ"ק אדמו"ר מבאיאן שליט"א וועט ארויפגיין צום ציון הק' בראש קהל חסידיו נאך תפילת שחרית, און שפעטער פארנאכטס אפרעכטן די יארצייט טיש אינעם גרויסן קלויז דחסידי באיאן אין ירושלים.
כ"ק אדמו"ר מסאסוב שליט"א וועט היינט ארויספארן קיין טבריה צו פוקד זיין דעם ציון הק' פון אביו כ"ק אדמו"ר מסאסוב זצ"ל בעל מנחת יו"ט, לקראת די זעכציגסטע הילולא קדישא וואס געפאלט קומענדיגן שבת קודש י"א אדר.
אריינצושיקן מודעות און נייעס, שיקט אן אימעיל צו NEWS@JDNMAIL.COM
