כ"ק אדמו"ר מפאפא שליט"א קומט היינט אן אויף א געהויבענע באזוך פון עטליכע טעג בקרב חסידיו אין שטאט מאנסי, די אכסניא איז אין שטוב פון הרב החסיד ר' אברהם חיים פריעדמאן הי"ו, היינט אינדערפרי נאך תפילת שחרית אין פאפא ביהמ"ד אין מאנסי, וועט דער רבי אפרעכטן א לחיים טיש לרגל די הילולא קדישא פון זקינו הרה"ק בעל ויגד יעקב מפאפא זי"ע.
כ"ק אדמו"ר מקרעטשניף י"ם שליט"א וועלכער איז צוגאסט די טעג אין ניו יארק לרגל די שמחת החתונה פון א אייניקל, וועט היינט אנקומען קיין וויליאמסבורג און אויפנעמען דעם ציבור בבית האכסניא, אין שטוב פון הנגיד החסיד ר' בנציון צאהלער הי"ו.
כ"ק אדמו"ר מוויזניץ שליט"א וועלכער האט געוויילט די לעצטע צוויי טעג אין לאנדאן צו באשיינען עטליכע שמחות, קערט זיך היינט צוריק קיין ארץ ישראל, למעון הנופש אין שטאט ערד.
היינט קומט פאר די מעמד הכנסת ספר תורה בחצר הקודש מאחנובקא בעלזא, געשריבן דורך די חסידים לכבודו פונעם רבי'ן שליט"א, די סיום כתיבת האותיות קומט פאר אינעם היכל הכולל אויף רחוב השל"ה אין בני ברק, דערנאך וועט פארקומען די תהלוכה אויף די גאסן אין בני ברק ביזן גרויסן ביהמ"ד אויף רחוב האדמו"ר מגור, נאך די ריקודין וועט פארקומען די סעודה לכבודה של תורה אינאיינעם מיט די שמחת השבע ברכות פון א אייניקל ביים רבי'ן, אין ביהמ"ד הגדול מאחנובקא בעלזא אין בני ברק.
היינט קומט פאר די מעמד קביעת מזוזה וחנוכת הבית פאר די נייע ביהמ"ד לב אהרן סאטמאר אין מאנסי שכונת וועסט מעיפל, אין שפיץ פון כ"ק אדמו"ר מסאטמאר שליט"א.
שמחת בית קאלוב – טריסק: היינט קומט פאר די שמחת החתונה פונעם חתן א זון פון הגה"צ ר' שריהו יונה טווערסקי שליט"א אדמו"ר מטריסק מאנטריאל, איידעם ביי הגה"צ ר' יוחנן וואזנער שליט"א ראב"ד סקווירא, מיט די כלה א טאכטער פון הגה"צ ר' שמואל משה דייטש שליט"א, זון פון הגה"צ ר' פרץ טובי' דייטש שליט"א אבד"ק חליסה, און איידעם ביי הגה"צ ר' אהרן שמעון טויב שליט"א אבד"ק קאלוב ב"פ, זון פון כ"ק אדמו"ר מקאלוב שליט"א. – די שמחת החתונה קומט פאר אין זאל עטרת טשארנא אין מאנסי.
שמחת בית זידטשויב: היינט קומט פאר די שמחת החתונה פונעם חתן א זון פון הרב חיים יוסף אונגאר שליט"א, זון פון הגה"צ ר' שמואל דוד אונגאר שליט"א מנייטרא, און איידעם ביי הגה"צ ר' אשר זעליג וואגשאהל שליט"א חבר ביד"ץ טארטיקוב, מיט די כלה א טאכטער פון הרב זעליג וואלף ראזענבערגער שליט"א, זון פון הגה"צ ר' אלעזר אלימלך ראזענבערגער שליט"א מסוליצא, און איידעם ביי כ"ק אדמו"ר מזידטשויב שליט"א פון וומס"ב. – די שמחת החתונה קומט פאר אין זאל פרדס צבי אין וויליאמסבורג.
היינט קומט פאר די שמחת החתונה פונעם חתן א זון פון הרב אליעזר ליפא בינדיגער שליט"א ר"ם בישיבת באבוב לאנדאן, מיט די כלה א טאכטער פון הגה"צ ר' יחזקאל שרגא פאנעט שליט"א, זון פון כ"ק אדמו"ר מקארלסבורג מאנטריאל שליט"א, און איידעם ביי הגה"צ ר' שלום אהרן אשכנזי שליט"א ראש ישיבת נדבורנא. – די שמחת החתונה קומט פאר אין זאל אודל אויף רחוב ארי' שנקר אין פתח תקוה.
שמחת בית וויזניץ: היינט קומט פאר די שמחת השבע ברכות פונעם חתן א זון ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א אייניקל פון כ"ק אדמו"ר מוויזניץ שליט"א פון ירושלים, א טאכטער פון זיין איידעם הגה"צ ר' יעקב דוד ראבינאוויטש שליט"א, זון פון כ"ק אדמו"ר מביאלא פשיסחא שליט"א. – די שמחת השבע ברכות קומט פאר אין די ספינקא זאל אין בארא פארק, צוגעשטעלט דורכ'ן זיידן כ"ק אדמו"ר מוויזניץ שליט"א פון ירושלים.
היינט קומט פאר די שמחת השבע ברכות פון א אייניקל ביי כ"ק אדמו"ר מדעעש שליט"א, די חתן א זון פון זיין זון פון הגה"צ ר' אלימלך פאנעט שליט"א רב ביהמ"ד מנחם ציון דחסידי דעעש אין בית שמש, איידעם ביי כ"ק אדמו"ר מקליוולאנד שליט"א פון וויליאמסבורג, מיט די כלה א אייניקל ביי כ"ק אדמו"ר מתולדות אברהם יצחק שליט"א, א טאכטער פון זיין איידעם הגה"צ ר' יחזקאל בראך שליט"א ראה"כ תולדות אברהם יצחק. – די שמחה קומט פאר אין ביהמ"ד דעעש אין בני ברק.
היינט קומט פאר די שמחת השבע ברכות פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' מאיר יוסף רובין שליט"א דומ"ץ ראחמיסטריווקא, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' יחיאל מיכל גאלדמאן שליט"א אבד"ק זוועהיל מאנסי. – די שמחת השבע ברכות קומט פאר אין די פאפא זאל אין בארא פארק, צוגעשטעלט דורכן זיידן כ"ק אדמו"ר מסוליצא שליט"א.
היינט קומט פאר די שמחת הבר מצוה פון א אייניקל ביי כ"ק אדמו"ר מקאסאני שליט"א, א זון פון זיין זון הרב אהרן ארי' יחיאל מיכל ראטטענבערג שליט"א, איידעם ביי כ"ק אדמו"ר מבני תורה צאנז שליט"א. – די שמחה קומט פאר אין די סקווירא זאל אין בארא פארק.
היינט קומט פאר די שמחת הברית פון א אור אייניקל ביי כ"ק אדמו"ר מטשערנאביל שליט"א, אייניקל פון זיין זון הגה"צ ר' אהרן טווערסקי שליט"א, איידעם ביי הגה"צ ר' יחיאל מיכל שעדראוויצקי שליט"א, בן הנולד ביי זיין איידעם הרב פנחס חיים שנעעבאלג שליט"א, זון פון הגה"צ אבד"ק ראזלא וומס"ב שליט"א. – די שמחה קומט פאר אין טשערנאבילער בית המדרש אין בארא פארק.
עס איז געשלאסן געווארן די שידוך פונעם חתן א זון פון הגה"צ ר' יצחק הורוויץ שליט"א, זון פון הגה"צ אבד"ק סאטמאר מאנטשעסטער שליט"א, און איידעם ביי כ"ק אדמו"ר מסטאניסלאוו לאנדאן זצ"ל, מיט די כלה א טאכטער פון הגה"צ ר' מאיר מרגליות שליט"א, זון פון הגה"צ ר' אשר מרגליות שליט"א אבד"ק אהל משה ווינא, און איידעם ביי הגה"צ ר' מרדכי באב"ד שליט"א ראב"ד מכון להוראה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
