כ"ק אדמו"ר מסאטמאר שליט"א וועלכער איז נעכטן זונטאג אנגעקומען אויף א קורצע באזוך אין אייראפע, אנגעהויבן מיט א קורצע אפשטעל אין שטאט סיגוט צום יומא דהילולא קדישא פון הרה"ק בעל קדושת יום טוב זי"ע, וועט היינט פארזעצן די נסיעה קיין מאנטשעסטער, וואו עס וועט געפראוועט ווערן היינט אויפדערנאכט די מעמד חנוכת הבית פון די נייע היכל התורה "לב אהרן", אינאיינעם מיטן ראש חודש טיש לכבוד היום, אין זאל פון בית יעקב אין מאנטשעסטער.
כ"ק אדמו"ר מקרעטשניף י"ם שליט"א קומט היינט אן צוגאסט קיין ניו יארק לקראת די שמחת החתונה פון א אייניקל, די קומענדיגע טעג וועט זיך דער רבי אויפהאלטן אין בארא פארק, בבית האכסניא אין שטוב פון הנגיד החסיד ר' שלמה אלעזר גאלדשטיין הי"ו.
כ"ק אדמו"ר מקאשוי שליט"א וועלכער איז צוגאסט די טעג אין לאס אנדזשעלעס אויף א ביקור חיזוק בקרב תושבי העיר, וועט היינט אויפדערנאכט אפרעכטן שולחנו הטהור לכבוד ראש חודש, אין שטוב פון הנגיד החסיד ר' בערל ווייס הי"ו.
שמחת בית ראחמיסטריווקא – סוליצא – זוועהיל: היינט קומט פאר די שמחת החתן מאהל פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' מאיר יוסף רובין שליט"א דומ"ץ ראחמיסטריווקא, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' יחיאל מיכל גאלדמאן שליט"א אבד"ק זוועהיל מאנסי. – די שמחת החתן מאהל קומט פאר אין ביהמ"ד הגדול ראחמיסטריווקא אין בארא פארק.
שמחת בית וויזניץ: היינט קומט פאר די שמחת החתן מאהל פונעם חתן א זון ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א אייניקל פון כ"ק אדמו"ר מוויזניץ שליט"א פון ירושלים, א טאכטער פון זיין איידעם הגה"צ ר' יעקב דוד ראבינאוויטש שליט"א, זון פון כ"ק אדמו"ר מביאלא פשיסחא שליט"א. – די שמחת החתן מאהל קומט פאר אין ביהמ"ד אמרי חיים וויזניץ אין בארא פארק.
היינט כ"ט שבט געפאלט די יומא דהילולא קדישא פון כ"ק אדמו"ר מחוסט זצ"ל, פילע אידן וועלן ארויפגיין צום ציון הק' אויפן בית החיים הר שלום אין מאנסי.
היינט קומט פאר די מעמד הכנסת ספר תורה וואס ווערט אריינגעגעבן צום היכל ישיבה לצעירים מתיבתא דרבינו יוחנן – טאלנא אין אשדוד, לע"נ הרב החסיד ר' אהרן דוב סאורימפער ע"ה, אין שפיץ פון כ"ק אדמו"ר מטאלנא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
