שמחת בית וויזניץ: היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין יונגסטן איידעם הגה"צ ר' יוחנן טווערסקי שליט"א, זון פון הגה"צ ר' נחמן יוסף טווערסקי שליט"א פון ירושלים, מיט די כלה א טאכטער פון הגה"צ ר' נפתלי קאהן שליט"א, זון פון כ"ק אדמו"ר מדברי אמונה זצ"ל, און איידעם ביי כ"ק אדמו"ר מלאנצוהט זצ"ל. – די שמחת השבע ברכות קומט פאר אין ספינקא זאל אויף די זעקס און פופציגסטע סטריט אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר מסלונים שליט"א, א זון פון זיין זון הגה"צ ר' מרדכי ברזובסקי שליט"א, איידעם ביי כ"ק אדמו"ר מבאסטאן שליט"א. – די שמחה קומט פאר אין ביהמ"ד הגדול סלונים אין ירושלים.
היינט דאנערשטאג כ"ה שבט געפאלט די יומא דהילולא קדישא פון כ"ק גאב"ד זכרון מאיר זצ"ל בעל מחשבת הלוי, בנו ממלא מקומו כ"ק אדמו"ר משבט הלוי שליט"א וועט אפרעכטן די יארצייט טיש אין זאל עטרת אין בני ברק, נאכן עלי' לציון אויפן בית החיים זכרון מאיר אין בני ברק.
היינט קומט פאר די דינער "קאלאשיץ בתפארתה" לטובת מוסדות קאלאשיץ אין מאנסי, אין זאל פון ווילחאוויץ, אין שפיץ פון כ"ק אדמו"ר משינאווא שליט"א, אלס נואם הכבוד וועט אויפטרעטן הגה"צ ר' אהרן שיף שליט"א גאב"ד אנטווערפן.
כ"ק אדמו"ר מראחמיסטריווקא שליט"א פון לעיקוואד וועט היינט נאכט אויפטרעטן מיט א שמועס התחזקות פאר אינגעלייט, צום ענדע פון די ימי השובבי"ם, בבית מדרשו אין לעיקוואד.
כ"ק אדמו"ר מקאשוי שליט"א קומט היינט אן אויף א באזוך אין לאס אנדזשעלעס קאליפארניע, מחזק צו זיין די תושבי העיר און אויפטרייבן געלטער לטובת מוסדותיו הקדושים, די אכסניא איז אין שטוב פון הנגיד החסיד ר' אפרים שמואל דויטש הי"ו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
