שמחת בית תולדות אברהם יצחק – קאלוב – קרעטשניף: היינט קומט פאר די שמחת החתונה פון א אייניקל ביי כ"ק אדמו"ר מתולדות אברהם יצחק שליט"א, די חתן יונגסטע זון פון זיין איידעם הגה"צ רבי אליעזר צבי טויב שליט"א אבד"ק קאלוב ביתר, בנו הגדול פון כ"ק אדמו"ר מקאלוב שליט"א, מיט די כלה א טאכטער פון הגה"צ ר' זלמן לייב ראזענבוים שליט"א אבד"ק קרעטשניף בראכפעלד, זון פון כ"ק אדמו"ר מקרעטשניף שליט"א, און איידעם ביי הגה"צ ר' אליעזר ליפא כהנא שליט"א מספינקא ירושלים. – די שמחת החתונה קומט פאר אינעם גרויסן אודיטוריום אין שטאט ביתר.
היינט קומט פאר די שמחת החתונה פונעם חתן א זון פון הגה"צ ר' שלמה זלמן היילפערין שליט"א, זון פון הגה"צ גאב"ד ראדאמישלא רמות זצ"ל, און איידעם ביי הגה"צ ר' יעקב ישראל שמערלער שליט"א, איידעם ביי כ"ק אדמו"ר מסטראפקוב זצ"ל, מיט די כלה א טאכטער פון הגה"צ ר' יעקב שלמה כהנא שליט"א אדמו"ר מזידטשויב ספינקא און מו"ץ בעדה החרדית, איידעם ביי הגה"צ ר' יעקב שמשון יאקאבאוויטש שליט"א, איידעם ביי כ"ק אדמו"ר מגארליץ זצ"ל. – די שמחת החתונה קומט פאר אין זאל היכלי מלכות אין בני ברק.
היינט קומט פאר די שמחת החתונה פון א אייניקל ביי כ"ק אדמו"ר מגארליץ שליט"א פון בארא פארק, די חתן א זון פון זיין זון הגה"צ ר' אשר אנשיל יונגרייז שליט"א, איידעם ביי הגה"צ ר' אברהם הכהן שלאף זצ"ל ראש ישיבת באבוב לאנדאן, מיט די כלה א טאכטער פון הגה"צ ר' דוד ראזענפעלד שליט"א אבד"ק לעלוב קארלין. – די שמחת החתונה קומט פאר אין זאל גני הדקל אין בני ברק.
היינט קומט פאר די שמחת החתונה פונעם חתן א זון פון הגה"צ ר' אברהם שלמה כ"ץ שליט"א, זון פון הגה"צ ר' מנשה כ"ץ שליט"א אבד"ק פריימאן, און איידעם ביי הגה"צ ר' אפרים אהרן שטיין שליט"א אבד"ק פאלטישאן, מיט די כלה א טאכטער פון הגה"צ ר' ישעי' טירנויער שליט"א אב"ד זכרון יהודה אין מאנסי, זון פון הגה"צ ר' אלימלך טירנויער שליט"א, און איידעם ביי הגה"צ ר' הלל וויינבערגער שליט"א אבד"ק סערדאהעלי ודומ"ץ נייטרא. – די שמחת החתונה קומט פאר אין זאל עטרת גינענדל אין מאנסי.
היינט קומט פאר די שמחת החתונה פונעם חתן א זון פון הרב ישראל דוד וואגשאהל שליט"א, זון פון הגה"צ ר' נפתלי וואגשאהל שליט"א מלאנצוהט, און איידעם ביי הגה"צ אבד"ק נאנאש ריווערדעיל שליט"א, מיט די כלה א טאכטער פון הגה"צ ר' יצחק לייפער שליט"א אדמו"ר מחוסט נדבורנא, זון פון כ"ק אדמו"ר מחוסט ארה"ק שליט"א, און איידעם ביי הגה"צ ר' אהרן דוד פאנעט זצ"ל ראש כולל זיבענבערגן. – די שמחת החתונה קומט פאר אין זאל גינת קליין אין קרית יואל.
היינט קומט פאר די שמחת החתונה פונעם חתן א זון פון הגה"צ ר' יעקב יוסף יונגרייז שליט"א אבד"ק טשענגער, מיט די כלה א טאכטער פון הרב אברהם יהושע העשיל ראזענבערגער שליט"א, זון פון הגה"צ ר' מנשה ראזענבערגער שליט"א מדיערעש, און איידעם ביי הגה"צ אבד"ק בארדיטשוב מאנסי שליט"א. – די שמחת החתונה קומט פאר אין זאל עטרת חי' שרה אין מאנסי.
שמחת בית טשערנאביל: היינט קומט פאר די שמחת השבע ברכות פון א אייניקל ביי כ"ק אדמו"ר מטשערנאביל שליט"א, די חתן א זון פון זיין זון הגה"צ ר' דוד טווערסקי שליט"א אב"ד טשערנאביל בית שמש, איידעם ביי כ"ק אדמו"ר מוויזניץ שליט"א פון קייאמישע, מיט די כלה א טאכטער פון הגה"צ ר' אברהם יהושע העשיל טווערסקי שליט"א, זון פון כ"ק אדמו"ר מלויעוו טשערנאביל שליט"א, און איידעם ביי הגה"צ ר' יעקב מרדכי טווערסקי שליט"א אבד"ק טשערנאביל אלעד. – די שמחת השבע ברכות קומט פאר אין ביהמ"ד דושינסקיא אויף רחוב רבי יהושע אין בית שמש, צוגעשטעלט דורך די טשערנאבילער קהילה אין בית שמש לכבודו פונעם אבי החתן דער רב הקהילה.
שמחת בית צאנז זוועהיל: היינט קומט פאר די שמחת השבע ברכות פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין זון הרב אלעזר ניסן פריזאנט שליט"א, איידעם ביי הגה"צ ר' חיים אלעזר מאנדלאוויטש שליט"א חבר ביד"ץ טארטיקוב, איידעם ביי כ"ק אדמו"ר מסערדאהעלי שליט"א. מיט די כלה א טאכטער פון הרב אשר האראנטשיק שליט"א, זון פון כ"ק אדמו"ר מראדאשיץ זצ"ל, און איידעם ביי הגה"צ ר' מאיר שנעעבאלג שליט"א אבד"ק האניפאלי. – די שמחת השבע ברכות קומט פאר אינעם היכל המתיבתא צאנז זוועהיל אין יוניאן סיטי.
היינט קומט פאר די שמחת הברית פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א לרפו"ש, בן הנולד ביי זיין איידעם הרב משולם זלמן טווערסקי שליט"א, זון פון הגה"צ ר' פנחס שלום טווערסקי שליט"א, זון פון כ"ק אדמו"ר מלויעוו טשערנאביל פארשעי שליט"א, און איידעם ביי הגה"צ אבד"ק פאלייענא שליט"א. – די שמחה קומט פאר אין ביהמ"ד הגדול אין שיכון סקווירא.
היינט קומט פאר די שמחת הברית פון צוויי אייניקלעך ביי כ"ק אדמו"ר מטשערנאביל שליט"א, בן הנולד ביים רבינ'ס זון הגה"צ ר' משה יהושע טווערסקי שליט"א, איידעם ביי הגה"צ גאב"ד סאטמאר ב"פ שליט"א, און בן הנולד ביים רבינ'ס אייניקל הרב שלמה טווערסקי שליט"א, זון פונעם רבינ'ס זון הגה"צ ר' אהרן טווערסקי שליט"א, און איידעם ביי הגה"צ ר' ישראל וואזנער שליט"א אבד"ק מינסק, איידעם ביי כ"ק אדמו"ר מגארליץ שליט"א פון ב"פ. – די שמחות קומען פאר אין טשערנאבילער בית המדרש אין בארא פארק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול סערט וויזניץ אין רמת וויזניץ חיפה, נדבת הרב החסיד ר' נפתלי קליין הי"ו.
היינט קומט פאר די מעמד חנוכת הבית פאר די נייע ביהמ"ד טעמעשוואר אין שטאט אלעד, אינאיינעם מיט די שמחת השבע ברכות פון די כלה א טאכטער ביי כ"ק אדמו"ר מטעמעשוואר אלעד שליט"א, מיט די חתן א אייניקל פון כ"ק האדמורי"ם מקארלין סטאלין און דזיקוב וויזניץ שליט"א. – די מעמד קומט פאר אין די נייע ביהמ"ד אין שטאט אלעד.
כ"ק אדמו"ר מערלוי שליט"א וועלכער האט זיך אויפגעהאלטן די לעצטע וואך צייט אין לאנדאן לרגל די שמחת החתונה פון א אייניקל, קערט זיך היינט צוריק למעון קדשו אין די קטמון געגנט אין ירושלים.
הגה"צ גאב"ד קארלסבורג שליט"א וועלכער האט זיך אויפגעהאלטן די לעצטע דריי וואכן אין אתרא קדישא מירון, קערט זיך היינט צוריק אהיים קיין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
