חסידי סלאנים אין בארא פארק גרייטן זיך צו מקבל פנים זיין בהדרת כבוד כ"ק אדמו"ר מסלאנים שליט"א, וועלכער וועט אנקומען אויף א קורצע באזוך אין שטאט, צו באשיינען די מעמד התחלת כתיבת ספר תורה, פאר די ספר תורה וואס ווערט געשריבן דורך די חברי הקהילה אין בארא פארק, מיטן נאמען "דער שטיבל'ס ספר תורה".
ווי באקאנט קומט דער רבי צו פארן קיין ניו יארק יעדעס יאר מחזק צו זיין קהל עדת צאן מרעיתו, איין יאר וויילט דער רבי אין בארא פארק, און איין יאר אין מאנסי, אצינד ווען דער רבי האט געוויילט דורכאויס די ימי הביקור אין מאנסי, און האט געפראוועט א געהויבענע שבת אינאיינעם מיט די חסידים פון ניו יארק, איז געמאלדן געווארן אז אין א אויסנאמליכער שריט וועט דער רבי אנקומען אויף א קורצן באזוך פון עטליכע שעה קיין בארא פארק, צו באשיינען א מאורע נשגבה אין די סלאנימער קהילה.
מארגן דינסטאג נאכמיטאג וועט דער רבי מופיע זיין בשערי העיר, און זיבן אזייגער אויפדערנאכט וועט פארקומען די מעמד התחלת כתיבת ספר תורה, פאר די ספר תורה וואס די מתפללי השטיבל וחברי הקהילה הייבן אן צו שרייבן פארן בית המדרש, מיטן נאמען "דער שטיבל'ס ספר תורה", די מעמד וועט פארקומען אין סלאנימער בית המדרש אין בארא פארק, אינאיינעם מיט די מעמד צאתכם לשלום לקראת דעם רבינ'ס אהיימפארן, שפעטער ביינאכט וועט דער רבי ארויספארן צו די קענעדי לופטפעלד און זיך הייבן לדרכו צלחה למעון קדשו אין ארץ ישראל.
