ווי יאר יערליך לסיום ימי השובבי"ם, וועלן פילע אידן זיך צוזאמנעמען היינט פרייטאג פארטאגס באשמורת הבוקר, אויסצוזאגן גאנץ תהלים ברוב עם און מתפלל זיין לישועת הכלל והפרט.
שמחת בית קאסאן – ספינקא – קאזעווע: עס איז געשלאסן געווארן די שידוך פון א אייניקל ביי כ"ק אדמו"ר מקאסאן לעיקוואד שליט"א, די חתן א זון פון זיין זון הגה"צ ר' פנחס שלום ראטטענבערג שליט"א, איידעם ביי כ"ק אדמו"ר מקאזעווע שליט"א, מיט די כלה א טאכטער פון הגה"צ ר' אלטר יעקב כהנא שליט"א, זון פון כ"ק אדמו"ר מנצח מנחם ספינקא שליט"א, און איידעם ביי כ"ק אדמו"ר מקאסאן שליט"א.
עס איז געשלאסן געווארן די שידוך פונעם חתן א זון פון הגה"צ ר' זלמן לייב מייזליש שליט"א ראה"כ שאפראן, זון פון כ"ק אדמו"ר משאפראן שליט"א, און איידעם ביי הגה"צ ר' נתן דוד ראזענבערגער שליט"א אבד"ק גמזו ודומ"ץ התאחדות הרבנים, מיט די כלה א אור אייניקל פון הגה"צ אבד"ק גמזו שליט"א, אייניקל פון זיין זון הגה"צ ר' בערל ראזענבערגער שליט"א דומ"ץ ביהמ"ד ישמח משה אין קרית יואל, א טאכטער פון זיין זון הרב מנחם שלמה ראזענבערגער שליט"א, איידעם ביי הגה"צ ר' בערל ראזענבערגער שליט"א אבד"ק בריגל, זון פון הגה"צ אבד"ק סוליצא וומס"ב זצ"ל.
שמחת בית סאטמאר: דעם שבת קומט פאר די שמחת האויפרוף פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' יצחק ראזענבערגער שליט"א דומ"ץ ביהמ"ד סאטמאר ליע גארדענס, זון פון הגה"צ ר' יהושע ראזענבערגער שליט"א גאב"ד הרמ"א בית שמש וחבר ביד"ץ העדה החרדית, מיט די כלה א טאכטער פון הגה"צ ר' נפתלי מייזליש שליט"א, זון פון הגה"צ אבד"ק אוהעל מאנסי שליט"א, און איידעם ביי כ"ק אדמו"ר משאץ זצ"ל. – די שמחת האויפרוף קומט פאר אין ביהמ"ד הגדול סאטמאר אין וויליאמסבורג.
שמחת בית וויזניץ: דעם שבת קומט פאר די שמחת האויפרוף פונעם חתן א זון ביי כ"ק אדמו"ר מוויזניץ שליט"א פון בארא פארק, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א אייניקל פון כ"ק אדמו"ר מוויזניץ שליט"א פון ירושלים, א טאכטער פון זיין איידעם הגה"צ ר' יעקב דוד ראבינאוויטש שליט"א, זון פון כ"ק אדמו"ר מביאלא פשיסחא שליט"א. – די שמחת האויפרוף קומט פאר אין ביהמ"ד הגדול וויזניץ אין בארא פארק.
שמחת בית ראחמיסטריווקא – סוליצא – זוועהיל: דעם שבת קומט פאר די שמחת האויפרוף פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' מאיר יוסף רובין שליט"א דומ"ץ ראחמיסטריווקא, זון פון כ"ק אדמו"ר מסוליצא שליט"א פון פאראקאוועי, מיט די כלה א טאכטער פון הגה"צ ר' יחיאל מיכל גאלדמאן שליט"א אבד"ק זוועהיל מאנסי. – די שמחת האויפרוף קומט פאר אין ביהמ"ד הגדול ראחמיסטריווקא אין בארא פארק.
שמחת בית דינוב – ספינקא: דעם שבת קומט פאר די שמחת האויפרוף פון א אייניקל ביי כ"ק אדמו"ר מדינוב שליט"א, די חתן א זון פון זיין זון הגה"צ ר' זלמן יוסף ראבינאוויטש שליט"א, איידעם ביי הגה"צ ר' יחזקאל דייטש שליט"א אבד"ק מקור חיים, מיט די כלה א טאכטער פון הגה"צ ר' יואל באב"ד שליט"א, זון פון הגה"צ אבד"ק טארטיקוב שליט"א, און איידעם ביי כ"ק אדמו"ר מספינקא שליט"א. – די שמחת האויפרוף קומט פאר אין ביהמ"ד דינוב אין וויליאמסבורג.
שמחת בית תולדות אברהם יצחק – דעעש – קליוולאנד: דעם שבת קומט פאר די שמחת האויפרוף פון א אייניקל ביי כ"ק אדמו"ר מדעעש שליט"א, די חתן א זון פון זיין זון הגה"צ ר' אלימלך פאנעט שליט"א רב ביהמ"ד מנחם ציון דחסידי דעעש אין בית שמש, איידעם ביי כ"ק אדמו"ר מקליוולאנד שליט"א פון וויליאמסבורג, מיט די כלה א טאכטער פון הגה"צ ר' יחזקאל בראך שליט"א ראה"כ תולדות אברהם יצחק, איידעם ביי כ"ק אדמו"ר מתולדות אברהם יצחק שליט"א. – די שמחת האויפרוף קומט פאר אין ביהמ"ד מנחם ציון דעעש אין בית שמש. די זיידעס כ"ק האדמורי"ם מדעעש און קליוולאנד שליט"א זענען צוגאסט אויף שבת אין בית שמש לכבוד די שמחה.
שמחת בית קרעטשניף סיגעט – נדבורנא לינסק: דעם שבת קומט פאר די שמחת האויפרוף פונעם חתן א זון פון כ"ק אדמו"ר מקרעטשניף סיגעט וומס"ב שליט"א, איידעם ביי הגה"צ ר' מאיר שנעעבאלג שליט"א אב"ד האניפאלי, מיט די כלה א טאכטער פון הגה"צ ר' איתמר ראזענבוים שליט"א, זון פון כ"ק אדמו"ר מנדבורנא לינסק שליט"א, און איידעם ביי הגה"צ אב"ד נאפקור שליט"א. – די שמחת האויפרוף קומט פאר אין זאל גינת אסתר אין וויליאמסבורג.
שמחת בית פארשעי – דזיקוב: דעם שבת קומט פאר די שמחת האויפרוף פון א אייניקל ביי כ"ק אדמו"ר מפארשעי שליט"א, די חתן א זון פון זיין זון הגה"צ ר' משה שמואל ראטטענבערג שליט"א ראש ישיבת תורת ישראל פארשעי, איידעם ביי הגה"צ ר' מאיר הורוויץ שליט"א אדמו"ר מדזיקוב מאנסי, מיט די כלה א טאכטער פון הגה"צ ר' לוי יצחק גרינבערג שליט"א אבד"ק מיהאלאוויץ לעיקוואד, זון פון הגה"צ אבד"ק פאלייענא שליט"א, און איידעם ביי כ"ק אדמו"ר מווערדאן זצ"ל. – די שמחת האויפרוף קומט פאר אין ביהמ"ד נצח ישראל פארשעי.
דעם שבת קומט פאר די שמחת האויפרוף פונעם חתן א זון פון הגה"צ ר' שריהו יונה טווערסקי שליט"א אדמו"ר מטריסק מאנטריאל, איידעם ביי הגה"צ ר' יוחנן וואזנער שליט"א ראב"ד סקווירא, מיט די כלה א טאכטער פון הגה"צ ר' שמואל משה דייטש שליט"א, זון פון הגה"צ ר' פרץ טובי' דייטש שליט"א אבד"ק חליסה, און איידעם ביי הגה"צ ר' אהרן שמעון טויב שליט"א אבד"ק קאלוב ב"פ, זון פון כ"ק אדמו"ר מקאלוב שליט"א. – די שמחת האויפרוף קומט פאר אין ביהמ"ד טריסק אין מאנטריאל.
דעם שבת קומט פאר די שמחת האויפרוף פונעם חתן א זון פון הגה"צ ר' חיים שלמה מיללער שליט"א אבד"ק נייטרא וומס"ב, זון פון הגה"צ אבד"ק אייזענשטאט שליט"א, און איידעם ביי הגה"צ אבד"ק דושינסקיא וומס"ב זצ"ל, מיט די כלה א טאכטער פון הגה"צ ר' נחום אלישע הורוויץ שליט"א, זון פון הגה"צ ר' נפתלי צבי הורוויץ שליט"א מראחוב לאנדאן, און איידעם ביי הגה"צ גאב"ד פריימאן שליט"א ראב"ד התאחדות הרבנים. – די שמחת האויפרוף קומט פאר אין ביהמ"ד נייטרא אין וויליאמסבורג.
שמחת בית תולדות אברהם יצחק – קאלוב – קרעטשניף: דעם שבת קומט פאר די שמחת השבע ברכות פון א אייניקל ביי כ"ק אדמו"ר מתולדות אברהם יצחק שליט"א, די חתן יונגסטע זון פון זיין איידעם הגה"צ רבי אליעזר צבי טויב שליט"א אבד"ק קאלוב ביתר, בנו הגדול פון כ"ק אדמו"ר מקאלוב שליט"א, מיט די כלה א טאכטער פון הגה"צ ר' זלמן לייב ראזענבוים שליט"א אבד"ק קרעטשניף בראכפעלד, זון פון כ"ק אדמו"ר מקרעטשניף שליט"א, און איידעם ביי הגה"צ ר' אליעזר ליפא כהנא שליט"א מספינקא ירושלים. – די שמחת השבע ברכות קומט פאר אין ביהמ"ד הגדול אין קרית קרעטשניף רחובות.
שמחת בית קארלין סטאלין – דזיקוב וויזניץ – טעמעשוואר אלעד: דעם שבת קומט פאר די שמחת השבע ברכות פון א אייניקל ביי כ"ק אדמו"ר מקארלין סטאלין שליט"א, די חתן א זון פון זיין זון הגה"צ ר' יוחנן שוחט שליט"א, איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון כ"ק אדמו"ר מטעמעשוואר אלעד שליט"א, איידעם ביי כ"ק אדמו"ר מזוטשקא זצ"ל. – די שמחת השבע ברכות קומט פאר אינעם נייעם טעמעשווארער ביהמ"ד אין אלעד.
כ"ק אדמו"ר מבוהוש שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט פראווענען דעם שבת אויף א גרויסע פארנעם בעיר ואם בישראל וויליאמסבורג, די תפילות און טישן וועלן פארקומען אין די זאלן פון עידן פאלאס.
כ"ק אדמו"ר מקאשוי שליט"א איז צוגאסט אויף דעם שבת אין לאס אנדזשעלעס בקרב תושבי העיר ולטובת מוסדותיו הקדושים, די תפילות און טישן קומען פאר אין די חסידישע כולל יחיאל יהודה.
כ"ק אדמו"ר מלוצק שליט"א איז צוגאסט אויף דעם שבת אין טאראנטא בקרב חסידיו, די תפילות און טישן קומען פאר אין ביהמ"ד משכן התורה און ביהמ"ד קול יעקב, די אכסניא איז אין שטוב פון הנגיד החסיד ר' דוד דאנקאנא הי"ו.
כ"ק הגה"צ גאב"ד וואודרידזש שליט"א איז צוגאסט אויף דעם שבת אין קרית יואל לרגל די שמחת האויפרוף פון א אייניקל, די תפילות און טישן קומען פאר אין זאל קלאוו פלאזא.
כ"ק אדמו"ר מלעלוב ניקלשבורג שליט"א איז צוגאסט אויף דעם שבת אין ליזענסק, סמוך ונראה צום ציון הק' פונעם הייליגן רבי'ן ר' אלימלך זי"ע.
כ"ק אדמו"ר מפאלטישאן שליט"א וועלכער איז צוגאסט די טעג אין ארץ ישראל לרגל די שמחת הבר מצוה פון א אייניקל, וועט פראווענען דעם שבת אין ביהמ"ד קרעטשניף אין ביתר.
כ"ק אדמו"ר מטעמעשוואר שליט"א איז צוגאסט אויף דעם שבת אין בארא פארק, די תפילות און טישן קומען פאר אין ביהמ"ד נעימת החיים.
כ"ק אדמו"ר מקרעטשניף כפר עטה שליט"א וועלכער איז צוגאסט די טעג אין ניו יארק לרגל א משפחה שמחה, וועט פראווענען דעם שבת אין די עירמאונט געגנט אין מאנסי, אין ביהמ"ד תודה וזמרה.
כ"ק אדמו"ר ממבקשי אמונה שליט"א איז צוגאסט אויף דעם שבת אין שטאט אשדוד בקרב חסידיו, די תפילות און טישן קומען פאר אין ביהמ"ד בית וועד לחכמים, און שלש סעודות אין ביהמ"ד מאקאווא אויף רחוב התלמוד.
הגה"צ אבד"ק סאטמאר ירושלים שליט"א בנו הגדול פון כ"ק אדמו"ר מסאטמאר שליט"א, איז צוגאסט אויף דעם שבת בקרב חסידי סאטמאר אין ירושלים עיה"ק.
הגה"צ ר' יעקב מרדכי האגער שליט"א אב"ד וויזניץ אלעד בן כ"ק אדמו"ר מוויזניץ שליט"א, איז צוגאסט אויף דעם שבת בקרב חסידי וויזניץ אין מאנטריאל, און וועט אפרעכטן די תפילות און באטע אין ביהמ"ד אמרי חיים וויזניץ אין שטאט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
